Thelma Estrin

enxeñeira e informática estadounidense

Thelma Estrin, nada en Nova York o 21 de febreiro de 1924 e finada en Santa Mónica, o 15 de febreiro de 2014,[1] foi unha científica informática estadounidense. Pioneira nos campos da enxeñaría biomédica, foi unha das primeiras en aplicar a tecnoloxía da información nos campos da saúde e da medicina. Tamén foi profesora no departamento de informática da Universidade de California.

Thelma Estrin
Thelma and gerald estrin.jpg
Nacemento21 de febreiro de 1924
Lugar de nacementoNova York
Falecemento15 de febreiro de 2014
Lugar de falecementoSanta Monica
NacionalidadeEstados Unidos de América
Alma máterUniversidade de Wisconsin-Madison, Abraham Lincoln High School, City College of New York e Stevens Institute of Technology
Ocupaciónbioinformatician, informática teórica e enxeñeira
CónxuxeGerald Estrin
FillosJudith Estrin e Deborah Estrin
PremiosIEEE Haraden Pratt Award, Society of Women Engineers Achievement Award, Women in Technology Hall of Fame, IEEE Fellow, Fellow of the American Institute for Medical and Biological Engineering e Programa Fulbright
editar datos en Wikidata ]

TraxectoriaEditar

Thelma Austern demostrou aptitude para as matemáticas e comezou os seus estudos superiores de contabilidade na Universidade da Cidade de Nova York,[2] onde coñeceu a Gerald Estrin con quen casou aos 17 anos de idade. Cando foi á guerra, Thelma asistiu a un curso de axudante de enxeñaría de tres meses na universidade privada Stevens Institute of Technology de Nova Jersey en 1942, e comezou a traballar na radio.[3]

Despois da guerra, Thelma e Gerald ingresaron na Universidade de Wisconsin-Madison, onde ambos se graduaron en enxeñería eléctrica. Thelma obtivo o seu doutoramento en 1951.[4]

Princeton e investigación en enxeñaría biomédica 1951-1953Editar

A principios da década de 1950 a parella trasladouse a Princeton, Nova Jersey, onde Gerald uniuse ao Instituto de Estudos Avanzados de Princeton e asociouse co grupo que se formou arredor de John von Neumann. Thelma obtivo un posto de investigación no Departamento de Electroencefalografía do Instituto Neurolóxico de Nova York no Columbia Presbyterian Hospital da cidade de Nova York, onde desenvolveu un interese pola enxeñaría biomédica.[5]

En 1953 Gerald obtivo un posto de profesor na Universidade de California (UCLA) e os dous mudáronse a Os Ánxeles. Cando o marido de Thelma comezou a traballar na UCLA, ela comezou a traballar noutro instituto, "Los Angeles Valley College" de San Francisco (California, Estados Unidos) onde ensinaba debuxo. En 1954, ela e Gerald viaxaron a Israel, onde axudaron a construír o primeiro ordenador, o Weizmann Automatic Computer ou WEIZAC. Ao seu regreso a Los Ángeles en 1960, Thelma asociouse co Instituto de Investigación en Neurociencia da Universidade de California (UCLA), establecendo o Laboratorio de Procesamento de Datos do Instituto en 1961. Dirixiuno entre 1970 e 1980.[6] Durante o seu mandato, deseñou e desenvolveu un dos primeiros sistemas de conversión de datos analóxico a dixital que podería converter sinais de electroencefalograma analóxico (EEG) en sinais dixitais. [7]

Universidade de California 1980Editar

En 1980 aceptou unha praza como profesora no Departamento de Informática da Escola de Enxeñaría e Ciencias Aplicadas. De 1982 a 1984 ocupou un cargo rotatorio na National Science Foundation como Directora de Electrónica, Informática e Investigación de Sistemas. Foi presidenta da Society for Engineering in Medicine and Biology no Institute of Electrical and Electronic Engineers (EMBS)[8] e primeira vicepresidenta executiva do IEEE Institute of Electrical and Electronic Engineers.[8][9]

Estudos da Muller e InformáticaEditar

Thelma publicou en 1996 un artigo sobre os estudos da muller e a informática para discutir a intersección entre as dúas disciplinas xa que "ambas evolucionaron como disciplinas académicas nos anos 60, pero evolucionaron por camiños moi diferentes". [10] Neste artigo, Estrin conecta a epistemoloxía feminista e os seus valores pedagóxicos sobre as formas en que a informática podería ser "máis relevante para os estudantes de minorías e de baixos ingresos". [10] Estrin explica que os estudos sobre a muller non abordaron os subcampos da ciencia e da enxeñaría da informática e da enxeñaría biomédica, que segundo ela "crearon ferramentas para explorar a saúde e os dereitos reprodutivos das mulleres" ata 25 anos despois da súa fundación. Pola contra, os estudos sobre mulleres centráronse na "experiencia inmediata das mulleres" a través das disciplinas das humanidades. "Os estudos sobre as mulleres", escribe Estrin, "implican ampliar o mundo da ciencia e a tecnoloxía desde a súa historia patriarcal, que considera estas disciplinas como inherentemente masculinas". Escribe que os estudos sobre mulleres buscan "comprender os elementos de xénero en situacións sociais e políticas", o que é necesario para "ampliar o acceso das mulleres á tecnoloxía".

PremiosEditar

En 1984 recibiu a Medalla do Século IEEE.

En 1982 gañou o premio "Service" da Asociación para Mulleres en Informática,[11] así como o premio "IEEE Haraden Pratt" e o premio principal. aos Grandes Logros da National Science Foundation. Foi membro da IEEE, a Academia Americana de Artes e Ciencias, e membro fundador do Instituto Americano de Enxeñaría Médica e Biolóxica.

NotasEditar

  1. "Thelma Estrin's Obituary by Los Angeles Times". Legacy.com. Arquivado dende o orixinal o 4 de febreiro de 2016. Consultado o 18 de xullo de 2014. 
  2. "The City College of New York". 
  3. "Thelma Estrin". Arquivado dende o orixinal o 27 de xullo de 2011. Consultado o 7 de abril de 2011. 
  4. "Thelma Estrin, Professor-in-Residence". Arquivado dende o orixinal o 24 de decembro de 2010. Consultado o 19 de febreiro de 2018. 
  5. Stanley, Autumn, Mothers and Daughters of Invention: Notes for a Revised History of Invention (Methuchen, NJ, and London: Scarecrow Press, 1993), 645–9
  6. "Dr. Thelma Estrin". Arquivado dende o orixinal o 27 de setembro de 2011. Consultado o 4 de agosto de 2011. 
  7. Gurer, Denise (xuño de 2002). "Pioneering Women In Computer Science" 34 (2). 
  8. 8,0 8,1 "Past Officers – Engineering in Medicine and Biology Society" (en inglés). Arquivado dende o orixinal o 2 de marzo de 2016. Consultado o 4 de xaneiro de 2016. 
  9. "IEEE Nominations and Appointments Committee History of Service Manual 2014" (PDF). IEEE. 2014. Arquivado dende o orixinal (PDF) o 31 de maio de 2015. Consultado o 4 de xaneiro de 2016. 
  10. 10,0 10,1 Estrin, Thelma (1996). "Women's Studies and Computer Science: Their Intersection" 18 (3): 43–46. doi:10.1109/85.511943. 
  11. "Association for Women in Computing". 

Véxase taménEditar

Ligazóns externasEditar