The Interview
The Interview é un filme estadounidense de 2014 dirixido e producido por Evan Goldberg e Seth Rogen, sendo o seu segundo traballo xuntos dende This Is the End (2013). O guión é obra de Dan Sterling, e baséase nunha historia entre Rogen e Goldberg. Está protagonizado por Rogen e James Franco, que interpretan dous xornalistas que son enviado a Corea do Norte para entrevistar ó líder Kim Jong-un (Randall Park), e que son recrutados pola CIA para asasinalo.
| The Interview | |
|---|---|
 Logo do filme. | |
| Ficha técnica | |
| Título orixinal | The Interview |
| Director | |
| Produtor |
|
| Guión | Dan Sterling |
| Intérpretes | |
| Música | Henry Jackman |
| Fotografía | Brandon Trost |
| Montaxe |
|
| Estudio | |
| Distribuidora | Columbia Pictures |
| Estrea | Os Ánxeles: 11 de decembro de 2014 24 de decembro de 2014 |
| Duración | 112 minutos[1] |
| Orixe |  Estados Unidos |
| Xénero | Comedia |
| Orzamento | $44 000 000[2][3] |
| Recadación | $11 300 000[4] |
| Na rede | |
| https://www.seetheinterview.com/ | |
         | |
Rogen e Goldberg desenvolveron a idea de The Interview a finais da década de 2000, con Kim Jong-il como obxectivo principal do asasinato. En 2011, despois da morte de Jong-il, Jong-un substituíno como líder do país. Rogen e Goldberg desenvolveron un novo guión centrado en Jong-un. O anuncio do filme realizouse en marzo de 2013, xunto co comezo da pre-produción. A fotografía principal realizouse en Vancouver dende outubro até decembro de 2013.
En xuño de 2014, o goberno norcoreano ameazou con accións contra os Estados Unidos se Columbia Pictures estreaba o filme. Columbia adiou a estrea de outubro até decembro, e reeditou en repetidas ocasións o filme para facelo máis aceptable para Corea do Norte. En novembro, os sistemas informáticos de Sony Pictures Entertainment foron hackeados por "Guardians of Peace," un grupo que o FBI di que ten relacións con Corea do Norte.[5] O grupo tamén ameazou con accións terroristas contra os cinemas que proxectasen o filme. As principais cadeas de cinemas decidiron non estrear o filme, o que implicou que Sony o lanzase por compra en liña o 24 de decembro de 2014, seguido por unha estrea limitada o día seguinte en cinemas escollidos.
The Interview recadou $40 millóns en liña, converténdose no maior éxito financeiro de Sony nunha estrea dixital, e conseguiu uns $11,2 millóns en cinemas de todo o mundo. Recibiu críticas dispares polo seu humor e temática, malia que uns poucos aclamaron as interpretacións de Rogen, Franco, Park e Diana Bang.
Personaxes editar
- James Franco como Dave Skylark
- Seth Rogen como Aaron Rapaport
- Lizzy Caplan como Axente Lacey
- Randall Park como Kim Jong-un
- Diana Bang como Sook-yin Park
- Timothy Simons como Malcolm
- Reese Alexander como Axente Botwin
- Anders Holm como Jake
- Charles Rahi Chun como Xeneral Jong
O filme tamén conta coas aparicións de Eminem, Rob Lowe, Bill Maher, Seth Meyers, Joseph Gordon-Levitt, Ben Schwartz, Brian Williams e Scott Pelley. Iggy Azalea, Nicki Minaj, Emma Stone, Zac Efron e Guy Fieri aparecen nas cartelas de entrada do programa ficticio Skylark Tonight.
Notas editar
- ↑ British Board of Film Classification, ed. (17 de novembro de 2014). "The Interview (15)". Arquivado dende o orixinal o 28 de agosto de 2018. Consultado o 17 de novembro de 2014.
- ↑ Variety, ed. (17 de decembro de 2014). "Sony Weighing Premium VOD Release for ‘The Interview’ (EXCLUSIVE)". Consultado o 17 de xaneiro de 2015.
- ↑ Variety, ed. (18 de decembro de 2014). "Sony Could Lose $75 Million on 'The Interview' (EXCLUSIVE)". Consultado o 18 de decembro de 2014.
- ↑ "The Interview (2014)". Box Office Mojo. Consultado o 21 de xullo de 2015.
- ↑ Gabi Siboni e David Siman-Tov, Cyberspace Extortion: North Korea versus the United States Arquivado 20 de agosto de 2016 en Wayback Machine., INSS Insight No. 646, 23 de decembro de 2014.
Véxase tamén editar
Ligazóns externas editar
- The Interview na IMDb (en inglés).
- Ficha en BoxOfficeMojo (en inglés)
- Ficha en RottenTomatoes (en inglés)