The Dialectic of Sex
The Dialectic of Sex: The Case for Feminist Revolution (1970) é un libro da feminista radical Shulamith Firestone.Escrito durante uns meses nos que Firestone tiña 25, foi descrito como un clásico do pensamento feminista.[1][2]
| The Dialectic of Sex | |
|---|---|
| Autor/a | Shulamith Firestone |
| Orixe | Estados Unidos de América |
| Lingua | lingua inglesa |
| Editorial | William Morrow and Company |
| [ editar datos en Wikidata ] | |
Firestone defende que o "sistema de clase sexual" [3] funciona antes e máis profundamente que calquera outra forma de opresión, e que a erradicación do sexismo precisa unha reorganización radical da sociedade: "as primeiras mulleres fuxen do masacre e, tremendo e abaneándose, comezan a buscarse entre elas ... Isto é doloroso: sen importar os niveis de consciencia ós que se chega, o problema sempre vai alén. Está en todas partes. ... as feministas deben cuestionar non só toda a civilización occidental, se nón tamén a organización da cultura mesma, e ademais, mesmo a organización da natureza."[4]
O obxectivo da revolución feminista, escribe, "non debe ser só a eliminación do privilexio masculino, se non a da propia distinción sexual", de feito que as diferenzas xenitais non teñan importancia cultural.[5]
Resumo editar
As teorías de Firestone foron descritas pola profesora de filosofía Mary Anne Warren do seguinte xeito: Firestone argumenta que a dicotomía sexual biolóxica, particularmente a división biolóxica do traballo reprodutivo, é a causa final da dominación masculina, da explotación económica das clases, do racismo, do imperialismo e da irresponsabilidade ecolóxica. A desigualdade sexual é "unha dominación opresiva que vai alén da historia rexistrada do propio reino animal": neste senso, foi universal e inevitable, pero agora existen condicións previas culturais e tecnolóxicas que fan que a súa eliminación sexa posible, e quizais necesarias para a supervivencia humana.[2]
Firestone describe a súa aproximación como un materialismo dialéctico máis radical có de Karl Marx e Friedrich Engels. Cre que, na súa preocupación polos procesos económicos, Marx e Engels fallaron ó non percibir "o substrato sexual da dialéctica histórica". Ó contrario que Engels, Firestone mantén que a dominación masculina está baseada bioloxicamente e que existe como tal moito antes da institución da propiedade privada e a familia patriarcal monógama que se crea coa propiedade privada. A dominación masculina é o resultado da "familia biolóxica", tanto matrilineal como patrilineal, e da dependencia inevitable nos homes de mulleres e nenos dentro da familia por protección e mesmo por subsistencia. Non houbo matriarcados antigamente (sociedades gobernadas por mulleres) e a posición aparentemente superior das mulleres nas culturas matrilineais débese só á debilidade relativa dos homes. Sexa cal sexa o sistema de liñaxe, a vulnerabilidade das mulleres durante o embarazo e o longo período de infancia humana precisa do papel protector (e polo tanto dominante) do home.[2]
Notas editar
- ↑ Faludi 2013.
- ↑ 2,0 2,1 2,2 Warren 1980, pp. 155–157.
- ↑ Firestone 1970, p. 29.
- ↑ Firestone 1970, pp. 3–4.
- ↑ Firestone 1970, p. 11.
Véxase tamén editar
Bibliografía editar
- Delmar, Rosalind (1979). "Introduction". En Firestone, Shulamith. The Dialectic of Sex: The Case for Feminist Revolution. London: The Women's Press. ISBN 0-7043-3849-1.
- Faludi, Susan (15 April 2013). "Death of a Revolutionary". The New Yorker.
- Firestone, Shulamith (2003) [1970]. The Dialectic of Sex: The Case for Feminist Revolution. Farrar, Straus and Giroux. ISBN 978-0-374-52787-7.
- Firestone, Shulamith (1998). Airless Spaces. Semiotext(e). ISBN 1-57027-082-1.
- Hearn, Jeff (1999). Carver, Terrell, ed. The Cambridge Companion to Marx. Cambridge: Cambridge University Press. ISBN 0-521-36694-1.
- Marwick, Arthur (1998). The Sixties: Cultural Revolution in Britain, France, Italy, and the United States, c. 1958–c.1974. Oxford: Oxford University Press. ISBN 0-19-210022-X.
- Mitchell, Juliet (2000). Psychoanalysis and Feminism: A Radical Reassessment of Freudian Psychoanalysis. Penguin Books. ISBN 0-14-027953-9.
- Symons, Donald (1979). The Evolution of Human Sexuality. New York: Oxford University Press. ISBN 0-19502535-0.
- Warren, Mary Anne (1980). The Nature of Woman: An Encyclopedia & Guide to the Literature. Edgepress. ISBN 0-918528-07-0.
- Cusac, Anne-Marie (1996). "Urvashi Vaid". The Progressive 60 (3) – vía EBSCO's Academic Search Complete. (require subscrición (?)).