Teoría da evolución
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. |
A Teoría da Evolución, exposta por Charles Darwin na súa obra A orixe das especies, propón a competencia e a aptitude como mecanismos evolutivos, na idea da supervivencia dos máis aptos. A teoría establece que os distintos individuos non nacen coas mesmas características. Algunhas destas poden ser máis aptas que as que herdan outros individuos (en termos de velocidade ou forza, por exemplo), o que fai que a longo prazo estes organismos teñan maiores probabilidades de supervivencia. Así, pouco a pouco, a especie verase poboada por estes individuos que, ó teren maiores probabilidades de supervivencia, tenderán a ter máis descendencia. E así sucesivamente, ata que tódolos individuos novos da especie herden esas novas características (ou poden ser cambios da suficiente magnitude para constituír un grupo diferenciado do grupo conformado polos individuos sen estas características). Neste punto ocorreu unha evolución dentro da especie.
Existen variantes desta teoría coñecida como darwinismo: a Canónica ou Teoría da Evolución dos Individuos (que considera ós individuos como centro da evolución) e a Teoría da Evolución das Especies (que considera as especies como obxecto da evolución), encadradas nunha corrente de pensamento científico denominado neodarwinismo.[Cómpre referencia]