Tenet (filme)
Tenet é un filme británico-estadounidense de 2020 escrito e dirixido por Christopher Nolan, que el mesmo produciu xunto con Emma Thomas. Está protagonizado por John David Washington, Robert Pattinson, Elizabeth Debicki, Dimple Kapadia, Michael Caine e Kenneth Branagh. O filme conta a historia dun axente secreto que aprende como manipular o fluxo do tempo para previr un ataque do futuro que ameaza con aniquilar o mundo presente.
| Tenet | |
|---|---|
| Ficha técnica | |
| Título orixinal | Tenet |
| Director | Christopher Nolan |
| Produtor |
|
| Guión | Christopher Nolan |
| Intérpretes | |
| Música | Ludwig Göransson |
| Fotografía | Hoyte van Hoytema |
| Montaxe | Jennifer Lame |
| Estudio | |
| Distribuidora | Warner Bros. Pictures |
| Estrea |  26 de agosto de 2020 3 de setembro de 2020 |
| Duración | 150 minutos[1] |
| Orixe | .svg){kind=small} Reino Unido[2] Estados Unidos[2] |
| Xénero | Suspense e acción |
| Orzamento | 200 millóns de dólares[3] |
| Recadación | 363,1 millóns de dólares[4][5] |
| Na rede | |
| https://www.warnerbros.com/movies/tenet | |
           | |
Nolan dedicou máis de cinco anos a escribir o guión despois de cavilar sobre as ideas centrais de Tenet durante máis dunha década. A preprodución comezou a finais de 2018, co proceso de selección de elenco realizada en 2019. A fotografía principal durou seis meses dende maio até novembro, en Dinamarca, Estonia, a India, Italia, Noruega, o Reino Unido e os Estados Unidos. O fotógrafo Hoyte van Hoytema rodou en 70 mm e IMAX. As escenas de manipulación do tempo foron rodadas tanto cara a adienta como cara a atrás. Usáronse máis de cen buques e miles de extras.
A estrea foi posposta tres veces por mor da pandemia de COVID-19, mais finalmente estreouse no Reino Unido o 26 de agosto de 2020, e nos Estados Unidos o 3 de setemro de 2020 en IMAX, 35 mm e 70 mm. Foi un dos primeiros filmes de Hollywood en estrearse masivamente nos cinemas despois do confinamento da pandemia, e recadou 363 millóns de dólares en todo o mundo, converténdose no quinto filme con maior recadación de 2020. Porén, a recadación foi considerada un fracaso debido ó seu elevado orzamento de produción e comercialización e á escasa distribución nos cinemas durante a pandemia. O filme recibiu valoracións positivas, con eloxios ás secuencias de acción, efectos visuais, banda sonora, fotografía e interpretacións, mentres que a historia e a edición de son recibiron peores críticas. O filme recibiu dous nomeamentos ós Premios Óscar, ó mellor deseño de produción e mellores efectos visuais na 93ª edición dos premios.
Personaxes editar
- John David Washington como o protagonista, un axente da CIA
- Robert Pattinson como Neil
- Elizabeth Debicki como Katherine "Kat" Barton
- Dimple Kapadia como Priya Singh
- Martin Donovan como Fay
- Fiona Dourif como Wheeler
- Yuri Kolokolnikov como Volkov
- Himesh Patel como Mahir
- Clémence Poésy como Barbara
- Aaron Taylor-Johnson como Ives
- Michael Caine como Sir Michael Crosby
- Kenneth Branagh como Andrei Sator
- Denzil Smith como Sanjay Singh
Notas editar
- ↑ "Tenet". British Board of Film Classification. Arquivado dende o orixinal o 23 de novembro de 2020. Consultado o 23 de novembro de 2020.
- ↑ 2,0 2,1 "Tenet". British Film Institute. Arquivado dende o orixinal o 23 de novembro de 2020. Consultado o 23 de novembro de 2020.
- ↑ Rubin, Rebecca (30 de agosto de 2020). "Box Office: Christopher Nolan's 'Tenet' Enjoys Surprisingly Strong Debut Overseas". Variety. Arquivado dende o orixinal o 30 de agosto de 2020. Consultado o 30 de agosto de 2020.
- ↑ "Tenet". Arquivado dende o orixinal o 03 de setembro de 2020. Consultado o 23 de xaneiro de 2021.
- ↑ "Tenet". Arquivado dende o orixinal o 08 de outubro de 2020. Consultado o 23 de xaneiro de 2021.
Véxase tamén editar
Bibliografía editar
- Mottram, James (2020). The Secrets of Tenet: Inside Christopher Nolan's Quantum Cold War. Insight Editions. ISBN 978-1-64722-060-0.
Ligazóns externas editar
- Tenet na IMDb (en inglés).
- Ficha en RottenTomatoes (en inglés)
- Ficha en BoxOfficeMojo (en inglés)