Abrir o menú principal

Karl Stig-Erland Larsson, coñecido coma Stieg Larsson, nado en Skelleftehamn, Condado de Västerbotten, o 15 de agosto de 1954 e finado en Estocolmo o 9 de novembro de 2004, foi un xornalista e escritor sueco.

Stieg Larsson
Nacemento15 de agosto de 1954
 Skelleftehamn
Falecemento9 de novembro de 2004
 Estocolmo
CausaInfarto agudo de miocardio
SoterradoHögalid Church
NacionalidadeSuecia
EtniaSuecos
Relixiónateísmo
Ocupaciónxornalista, escritor, editor literario e guionista
Coñecido/a porTrilogia Millennium
PremiosPremio Chave de Cristal, Swedish Crime Writers' Academy, Anthony Award/Best debute novel, Macavity Awards, Barry Award, Barry Award, honorary citizen of Umeå e Autor do ano
editar datos en Wikidata ]

Acadou sona internacional trala súa morte, coa publicación da súa triloxía de novelas policíacas Millenium, composta polos seguintes títulos: Män som hatar kvinnor (Os homes que odiaban as mulleres), Flickan som lekte med elden (A rapaza que xogaba con lume) e Luftslottet som sprängdes (O castelo de aire que foi voado).

TraxectoriaEditar

Stieg Larsson criouse na pequena comunidade de Norsjö, a uns 100 km ao norte de Umeå[1] (o municipio aparece no primeiro volume da triloxía). Viviu cos seus avós ata a morte do seu avó en 1962[1]. Entre 1977 e 1999 traballou coma deseñador gráfico para a axencia de noticias Tidningarnas Telegrambyrå (TT)[1].

Militou na Kommunistiska Arbetareförbundet (Liga Comunista de Traballadores). Profundamente involucrado na loita contra o racismo e a ultradereita, participou a mediados dos anos 80 na fundación do proxecto antiviolencia Stop the Racism. En 1995 foi un dos promotores da Fundación Expo, adicada a "estudar e cartografar as tendencias antidemocráticas, de extrema dereita e racistas da sociedade"[2]. Dende 1999 foi director da revista de dita fundación, tamén chamada "Expo"[1]. Escribiu varios libros de investigación periodística sobor dos grupos nazis do seu país e das conexións entre a extrema dereita e o poder político e financeiro.

Stieg Larsson era asemade presidente da sociedade escandinava de ciencia ficción[1], xénero polo que tiña un grande interese.

Serie MilleniumEditar

Stieg Larsson comezou a escribir novelas policiacas coma un hobby[1] en 2001[3] (escribía polas noites compaxinando así o seu pasatempo co seu traballo). Nun primeiro momento considerou, xunto co periodista Kenneth A. (da axencia de noticias TT), a posibilidade de escribir unha historia sobre os personaxes de Hernández e Fernández, d'As aventuras de Tintín. Máis tarde tentou plasmar como se manexaría na sociedade actual a famosa Pipi Calzaslargas, creada pola escritora sueca Astrid Lindgren: así xurdiu un dos protagonistas da súa trioloxía, a investigadora Lisbeth Salander[3]. Coma contrapunto, creou outro personaxe máis equilibrado, o periodista Mikael Blomkvist (cuxo nome lembra ao doutro personaxe de Lindgren, o neno detective Kalle Blomkvist). A partir de aí creou o resto de personaxes da serie, denominada Millenium en referencia ao nome da revista na que traballa Blomkvist.

Cando rematou o segundo volume da serie, e tendo xa deseñada a trama do terceiro, pasoulle un manuscrito a un amigo editor. Faleceu en 2004, dun ataque ao corazón, días despois de entregarlle ao seu editor o terceiro volume da serie e pouco antes de que se publicara o primeiro[4]. Non chegou por tanto a ver publicada a súa obra, e a súa repentina morte truncou o seu plan de continuar a serie: tal e como afirma o seu círculo máis próximo o escritor estaba a traballar no próximo volume, que era en realidade o quinto da saga (xa que o cuarto destruíuno por non quedar plenamente satisfeito con el) [5].

Á marxe do seu interese literario, a triloxía está considerada coma unha obra de "relevancia social", tanto pola construción simbólica que fai dos personaxes femininos como por tratar unha das maiores lacras da sociedade actual, coma é a violencia de xénero [6].

En 2009, estreouse unha adaptación cinematográfica da primeira novela da serie, dirixida por Niels Arden Oplev cos actores suecos Michael Nyqvist e Noomi Rapace nos papeis protagonistas. A película estreouse o 27 de febreiro en Suecia e Dinamarca, e o 29 de maio en España[7].

ObraEditar

ArtigosEditar

  • Stieg Larsson, Anna-Lena Lodenius: "Extremhögern", Stockholm, 1991
  • Stieg Larsson, Mikael Ekman: "Sverigedemokraterna : den nationella rörelsen", Stockholm, 2001
  • Stieg Larsson, Cecilia Englund: "Debatten om hedersmord : feminism eller rasism", Stockholm, 2004
  • Richard Slätt, Maria Blomquist, Stieg Larsson, David Lagerlöf m.fl.: "Sverigedemokraterna från insidan", 2004

NovelasEditar

PeriódicosEditar

  • Svartvitt med Expo, 1999-2002
  • Expo, 2002-2004

NotasEditar

  1. 1,0 1,1 1,2 1,3 1,4 1,5 "Páxina web do autor (Vida e obra)". Arquivado dende o orixinal o 30 de abril de 2009. Consultado o 19 de xullo de 2009. 
  2. "Páxina oficial da Fundación". Arquivado dende o orixinal o 12 de agosto de 2010. Consultado o 19 de xullo de 2009. 
  3. 3,0 3,1 Páxina sobre a triloxía Millenium
  4. Artigo de "El País"
  5. "Artigo sobre o autor en "LaVanguardia.es"". Arquivado dende o orixinal o 04 de setembro de 2009. Consultado o 21 de xullo de 2009. 
  6. "Artigo referente á obra, "DiarioSigloXXI"". Arquivado dende o orixinal o 06 de xullo de 2009. Consultado o 21 de xullo de 2009. 
  7. Datas de emisión da película baseada en "Os homes que odiaban ás mulleres"