Steve Martin

Stephen Glenn "Steve" Martin, nado o 14 de agosto de 1945 en Waco, Texas, é un humorista, actor, dramaturgo e guionista estadounidense.

Steve Martin
Steve Martin no 2011.
Nome completo	Stephen Glenn Martin
Nacemento	14 de agosto de 1945 (77 anos)
Lugar	Waco, Texas, Estados Unidos
Nacionalidade	Estados Unidos de América
Relixión	Baptismo
Educado en	Universidade de California, Os Ánxeles, California State University, Long Beach, Garden Grove High School, Santa Ana College e Rancho Alamitos High School
Cónxuxe(s)	Victoria Tennant e Anne Stringfield
Profesión	Actor, humorista, músico, escritor e produtor
Na rede
http://www.stevemartin.com
[ editar datos en Wikidata ]

Traxectoria

Martin medrou no sur de California, traballou de neno en Disneyland (1955-1958) e como humorista no parque de atraccións Knott's Berry Farm, comezou a facerse coñecido como guionista da Smothers Brothers Comedy Hour (1967-1969) polo que cos outros guionistas gañou un Emmy en 1969. A mediados da década de 1970 foi un convidado frecuente en The Tonight Show cun humor absurdo. Con Sgt. Pepper's Lonely Hearts Club Band (1978) comezou a súa carreira como actor, salientando en Pennies from Heaven (1981), All of Me (1984), Roxanne (1987), Parenthood (1989), Father of the Bride (1991), Father of the Bride Part II (1995) ou Cheaper by the Dozen (2003). En 1993 estreou a súa primeira obra de teatro Picasso at the Lapin Agile. No ano 2000 publicou a novela curta Shopgirl, seguíndolle The Pleasure of My Company (2003) e o libro de memorias Born Standing Up (2007).