Stereophonics
Stereophonics é unha banda galesa de rock alternativo formada en 1992 na vila de Cwmaman en Cynon Valley. Na actualidade está composta polo vocalista e guitarrista Kelly Jones, o baixista e corista Richard Jones, o batería Jamie Morrison, o guitarrista e corista Adam Zindani e o membro de xira Tony Kirkham (teclados). Stereophonics leva publicados oito álbums de estudio, incluídos cinco números 1 británicos consecutivos. Un exitoso recompilatorio foi tamén lanzado en novembro do 2008, Decade in the Sun, acadando o núemro 2 no Reino Unido. En marzo do 2013, estrearon o seu oitavo álbum Graffiti on the Train, lanzado co seu propio selo Stylus Records, o cal debutou no número 3 nas listas de éxitos do Reino Unido.
| Stereophonics | |
|---|---|
 | |
| Orixe | Cwmaman, Mid Glamorgan, Gales .svg){kind=small} |
| Período | 1992 - presente |
| Xénero(s) | rock, rock alternativo, post-britpop, indie rock, hard rock |
| Selo(s) discográfico(s) | V2 Records, Stylus Records |
| Membros | Kelly Jones Richard Jones Adam Zindani Jamie Morrison |
| Antigos membros | Stuart Cable Javier Weyler |
| Na rede | |
| stereophonics.com | |
                  | |
A banda definiuse como posuidora dun son semellante ao dos xéneros do rock alternativo e o rock tradicional británico. O seu álbum de estrea, Word Gets Around, foi publicado en agosto de 1997 e entrou instantaneamente no número 6 no Reino Unido, axudado polos sinxelos "Local Boy in the Photograph", "More Life in a Tramps Vest" e "A Thousand Trees". O grupo acadou o éxito entre o gran público coa edición de Performance and Cocktails (cos seus sinxelos promocionais "The Bartender and the Thief", "Just Looking" e "Pick a Part That's New") en 1999.
Tendo vendidos uns 9 millóns de discos en todo o mundo, Stereophonicsé unha das bandas de rock máis exitosas de Gales. Tras o lanzamento de Pull the Pin, converteuse no oitavo grupo en acadar 5 números 1 cnsecutivos no Reino Unido (tras The Beatles, Led Zeppelin, ABBA, Genesis, Oasis, Blur e U2).
Discografía editar
- Word Gets Around - 1997 (V2 Records)
- Performance and Cocktails - 1999 (V2 Records)
- Just Enough Education to Perform - 2001 (V2 Records)
- You Gotta Go There to Come Back - 2003 (V2 Records)
- Language. Sex. Violence. Other? - 2005 (V2 Records)
- Pull the Pin - 2007 (V2 Records)
- Keep Calm and Carry On - 2009 (V2, Mercury)
- Graffiti on the Train - 2013 (Stylus Records)
- Oochya! - 2022 (Stylus, Ignition)
Véxase tamén editar
Ligazóns externas editar
- Páxina oficial Arquivado 26 de abril de 2021 en Wayback Machine.