Abrir o menú principal

Estafilococáceas

(Redirixido desde "Staphylococcaceae")

As Estafilococáceas ou Staphylococcaceae son unha familia de bacterias grampositivas entre as que se inclúe o xénero Staphylococcus, que contén un patóxeno humano clinicamente importante.

CaracterísticasEditar

A familia Staphylococcaceae tal como foi descrita en 2010 está composta por bacterias grampositivas heterótrofas cun contido G+C baixo, igual que en todas as Firmicutes, non formadoras de esporas. Todas as especies desta familia son normalmente anaerobias facultativas e con forma de cocos (no xénero Gemella hai tamén bacilos) e inmóbiles. Reducen nitratos a nitritos e amonio (desnitrificación) se non hai oxíxeno dispoñible, e o nitrato funciona como aceptor de electróns na respiración anaerobia que ten lugar durante a desnitrificación.

Xéneros incluídosEditar

Os cinco xéneros Jeotgalicoccus, Macrococcus, Nosocomiicoccus, Salinicoccus e Staphylococcus están incluídos na LPSN[1] nesta familia, mentres que a posición de Gemella, outro xénero da orde Bacillales, é máis complicada.

  • Staphylococcus Rosenbach 1884, xénero tipo
  • Gemella Berger 1960
  • Jeotgalicoccus Yoon et al. 2003
  • Macrococcus Kloos et al. 1998
  • Salinicoccus Ventosa et al. 1990
  • Nosocomiicoccus Morais et al. 2008

NotasEditar

  1. 1,0 1,1 J.P. Euzéby: List of Prokaryotic Names with Standing in Nomenclature - familia Staphylococcaceae Arquivado 27 de abril de 2012 en Wayback Machine.