S.S. Felice Scandone

A Società Sportiva Felice Scandone Basket Avellino, máis coñecida por motivos de patrocinio como Sidigas Avellino ou Sidigas Scandone, é un club profesional de baloncesto italiano da cidade de Avellino, na rexión da Campania. En 2019 o equipo renunciou á súa praza na Lega Basket Serie A, a máxima competición do baloncesto italiano, por motivos económicos. Actualmente compite na Serie B, terceira cateogría do país. Fundado en 1948, obtiveron o seu primeiro título no ano 2008, cando gañaron a Coppa Italia tras vencer na final á Virtus Bologna por 73 a 67. Xogan os seus encontro coma local no Palasport Giacomo Del Mauro, un pavillón remodelado en 2008 con capacidade para 5.100 espectadores.

Sidigas Avellino
Información xeral
Nome	Società Sportiva Felice Scandone
Liga	Serie B
Fundación	1948
Cores	Branco, verde, laranxa
Presidente	Claudio Mauriello
Adestrador	Nicola Alberani
Patrocinador	Sidigas
Localización
Cidade	Avellino, Italia
Pavillón	PalaDelMauro
Capacidade	5 195
Inauguración	1987
Campionatos
Copa	1 (2008)
scandonebasket.it

Historia

O mellor resultado na historia do club é a terceira praza da Serie A italiana obtida na tempada 2007-08 e que lle permitiu participar na Euroliga na tempada 2008-09. O único título do club chegou no 2008, ao gañar a Copa de Italia. En 2019 debido a motivo económicos o Felice Scandone renuncia á súa praza na Serie A, sendo descendido en consecuencia á Serie B, terceira categoría italiana.

Patrocinadores

Ao longo da súa historia o Felice Sandone de Avellino levou diferentes nomes por mor de motivos de patrocinio:

• Pasta Baronia Avellino (1996−1997)
• Cirio Avellino (1997−1998)
• Select Avellino (1998−1999)
• Nicoloro Avellino (1999)
• De Vizia Avellino (1999−2002)
• A.IR. Avellino (2003−2011)
• Sidigas Avellino (2011−presente)

Palmarés

Títulos nacionais

• Copa de Italia
  • Campións (1): 2008

Véxase tamén

Ligazóns externas

• Sitio web oficial
• Perfil na web da Lega