Shibam
Shibam (en árabe شبام) é unha pequena cidade do Iemen, situada na Gobernación de Hadramaut e poboada por uns 7.000 habitantes.[1] Existen datos da súa existencia dende o século II a. e. c. Foi en numerosas ocasións a capital do reino de Hadramaut.
شبام (ar) | ||||
Localización | ||||
---|---|---|---|---|
| ||||
Estado | Iemen | |||
Subdivisões (pt) | Hadramaute (pt) | |||
Distrito (pt) | Shibam District (en) | |||
Poboación | ||||
Poboación | 13.316 (2004) | |||
Lingua oficial | árabe | |||
Xeografía | ||||
Altitude | 683 m | |||
Datos históricos | ||||
Evento clave | ||||
Identificador descritivo | ||||
Fuso horario | ||||
Patrimonio da Humanidade | ||||
Tipo | Patrimonio cultural → Mundo árabe | |||
Data | 1982 (6ª Sesión), Criterios de Patrimonio da Humanidade: (iii), (iv) e (v) | |||
En perigo | 2015 | |||
Identificador | 192 | |||
Inscribiuse no Patrimonio da Humanidade da Unesco no ano 1982.[2][3]
A cidade viuse afectada polas inundacións que arrasaron Iemen en 2008.[4][5] Malas xestións no seu manexo, ameazas naturais e o conflito armado acontecido durante o ano 2015, fixeron que o comité do Patrimonio da Humanidade da Unesco inscribise ao sitio na lista de Patrimonio da Humanidade en perigo en xullo do ano 2015.[6]
Arquitectura editar
A súa arquitectura con edificios de varios andares, feitos de adobe e separados por un labirinto de canellas estreitas, válelle o sobrenome de Manhattan do deserto ou "a máis antiga cidade de rañaceos do mundo". O método de construción dos edificios en terra crúa é ancestral, sendo os máis antigos que se conservan do século XVI.
A cidade é o exemplo máis antigo de planificación urbana baseada nos principios da construción vertical, un plano ben definido. Os edificios máis altos acadan os 16 andares e unha altura de até 40 metros, sendo o minarete, con 50 metros, o edificio máis alto da cidade. Para protexer as edificacións das inclemencias, as fachadas son recubertas cun baño espeso que hai que renovar regularmente.
Na cultura popular editar
Foi en Shibam onde o director italiano Pier Paolo Pasolini rodou a película As mil e unha noites estreada en 1974 en Francia.
Notas editar
- ↑ Ciudad vieja amurallada de Shibam. Viajealpatrimonio.com.
- ↑ "Old Walled City of Shibam - UNESCO World Heritage Centre".
- ↑ "OCPM / Organización de las Ciudades del Patrimonio Mundial".
- ↑ "Medios locales elevan a 46 el número de fallecidos por las inundaciones en el país. Europapress.es".
- ↑ "Noticias de Prensa Latina - Inicio".[Ligazón morta]
- ↑ "Yemen’s Old City of Sana’a and Old Walled City of Shibam added to List of World Heritage in Danger". Unesco.org.
Véxase tamén editar
Wikimedia Commons ten máis contidos multimedia na categoría: Shibam |
Ligazóns externas editar
- Ficha de Shibam na UNESCO (en inglés e en francés).