Sevilla Atlético Club

O Sevilla Atlético Club é o equipo filial do Sevilla Fútbol Club. Foi fundado en 1958 e actualmente xoga na Segunda División B Española. No ano 2006 retomou a denominación orixinal de Sevilla Atlético, tras varios anos coa denominación de Sevilla Fútbol Club "B".

Sevilla Atlético
Nome	Sevilla Atlético Club
Alcume(s)	Sevilla B, Franjirrojos
Fundación	1958
Estadio	Cidade Deportiva, Sevilla, España
Inauguración	1919
Capacidade	2.500
Presidente	José María del Nido
Adestrador	Ramón Tejada
Liga	2ªB – Grupo 4
2011–12	10º
Na rede
http://www.sevillafc.es/
Titular Alternativo Terceiro

O obxectivo do Sevilla Atlético non é a consecución de logros deportivos, senón a de formar xogadores xoves que logo poidan xogar no primeiro equipo.

Escudo

O Sevilla Atlético retomou na tempada 2006–07 o escudo que posuía nas súas orixes, sendo o contorno igual ao do primeiro equipo, con forma de corazón, pero percorrido por un dos monumentos máis emblemáticos da cidade de Sevilla, a Giralda. De esquerda a dereita percórreo unha franxa vermella. Un balón de fútbol antigo e as siglas SAC, de Sevilla Atlético Club, entrelazadas completan o escudo.

Uniforme

• Uniforme titular: Camiseta branca cunha banda vermella cruzando de dereita a esquerda a camiseta, pantalón negro, medias negras.
• Uniforme alternativo: Camiseta vermella cunha banda branca cruzando de dereita a esquerda a camiseta, pantalón vermello, medias vermellas.
• Terceiro uniforme: Camiseta negra, pantalón negro, medias brancas.

Dáse a circunstancia de que o Sevilla Atlético é o único equipo filial dun club español que posúe un uniforme distinto ao do primeiro equipo.

Estadio

O Sevilla Atlético disputa habitualmente os seus partidos oficiais na Cidade Deportiva José Ramón Cisneros Palacios, no campo principal que ten capacidade para 5.500 espectadores e que é coñecido como Viejo Nervión. Porén, en varias ocasións, o Sevilla Atlético tamén disputou os seus partidos no estadio Sánchez Pizjuán con capacidade para 45.500 espectadores.

Con motivo do ascenso de categoría a Segunda División no ano 2007, e debido á normativa vixente que regula aos equipos que militan en categoría profesional, o club puxo en marcha un proceso de remodelación da Cidade Deportiva, o que supuxo aumentar o aforamento a 5.500 espectadores (antigamente era de 2.500), así como melloras nos accesos e outras instalacións.

Datos do club

• Tempadas en 1ª: 0
• Tempadas en 2ª: 3
• Tempadas en 2ªB: 24
• Tempadas en 3ª: 27
• Ascensos a Segunda logrados: 2 (1962 e 2007)
• Liguiñas de ascenso a Segunda disputadas: 7
  • Desde 2ªB: 5 (1999, 2004, 2005, 2006 e 2007)
  • Desde 3ª: 2 (1961 e 1962)

Xogadores 2009/10

Nº Posto País Xogador 1 POR Ruyales 2 DEF Morales 3 DEF Redondo 4 DEF Cala 5 DEF Bernardo 6 MED Barranco 7 DEF Víctor Díaz 8 MED Hugo 9 DEL Carreño 10 MED José Carlos 11 MED Ríos 12 MED Ikechi 13 POR Juan Martín 14 MED Adri

Nº Posto País Xogador 15 MED Campaña 16 DEL Pukki 17 MED Javi Martínez 18 DEL Rodry 19 MED Salva 20 DEF Valiente 21 DEF Chuchi 22 MED Sachetti 23 DEF Luna 24 DEF Moisés 25 POR Dani Jiménez 26 DEL Nene 27 DEF Paco 28 DEL Ñoño

Palmarés

Torneos nacionais

• Segunda División B de España (2): 2004-05, 2006-07
• Terceira División de España (9): 1960-61, 1961-62, 1980-81, 1982-83, 1983-84, 1985-86, 1986-87, 1991-92, 2000-01
• Subcampión da Segunda División B (2): 1988-89, 1998-99
• Subcampión de Terceira División (2): 1965-66, 1967-68

Véxase tamén

Ligazóns externas

• Sitio web oficial do Sevilla FC
• Novas do Sevilla Atlético