Sergio Vázquez Yebra
Sergio Vázquez Yebra, nado en Chantada en 1935 e finado en Vigo o 7 de xuño de 2014,[1] foi un avogado e político galego.
| Biografía | |
|---|---|
| Nacemento | 1935  Chantada, España |
| Morte | 7 de xuño de 2014 (78/79 anos) Vigo, España |
 Alcalde de Chantada | |
| 1983 – 1991 ← Manuel López Campo – Manuel Anxo Taboada Rodríguez → | |
| Actividade | |
| Ocupación | político, avogado |
| Familia | |
| Irmáns | José Manuel Vázquez Yebra |
| Premios | |
| |
Traxectoria
editarNas eleccións municipais de 1983 encabezou a candidatura de Coalición Galega e foi elixido alcalde de Chantada con maioría absoluta. Nas municipais de 1987 presentouse por AP e volveu obter a alcaldía con maioría absoluta. Nas municipais de 1991, trala súa exclusión como cabeza de lista do PPdeG, encabezou a Agrupación Independente de Chantada coa que logrou 6 concelleiros e foi a segunda forza máis votada tralos populares. Desta forma apoiou a elección como alcalde do candidato de Chantada Nova Manuel Anxo Taboada Rodríguez, pese a que lograra 3 concelleiros, e pasou a selo primeiro tenente de alcalde baixo o goberno tripartito que formaron as dúas formacións independentes e o PSdeG. Nas municipais de 1995 encabezou Independentes de Chantada e logrou 3 concelleiros, pasando a sela terceira forza política tras Chantada Nova e PPdeG, sendo a chave de goberno entre estas dúas formacións que contaban con 6 concelleiros. Ante a falta de acordo na investidura continuou como alcalde Taboada ao ser o cabeza da lista máis votada. Porén, en xaneiro de 1996 apoiou unha moción de censura que fixo alcalde ao candidato do PPdeG Manuel Lorenzo Varela Rodríguez, pasando a ser o primeiro tenente de alcalde.
A moción de censura supuxo o regreso dos independentes ás filas populares, polo que nas municipais de 1999 e 2003 formou parte da lista do PPdeG como número 2 e 5, respectivamente, logrando esta a vitoria por maioría absoluta en ambas ocasións con Varela como candidato, sendo primeiro tenente de alcalde na primeira lexislatura e concelleiro de urbanismo na segunda. En 2011 pechou a lista do PPdeG, o cal se vira afectado por unha escisión de Varela.
Distincións
editarEn 2012 concedéronlle o Billó de Ouro.
| Predecesor: Manuel López Campo |
Alcalde de Chantada 1983 - 1991 |
Sucesor: Manuel Anxo Taboada Rodríguez |
Vida persoal
editarFoi irmán de José Manuel Vázquez Yebra, que xa fora alcalde de Chantada durante o franquismo.
Notas
editar- ↑ "Muere el exalcalde de Chantada Sergio Vázquez Yebra". La Voz de Galicia (en castelán). 2014-06-07. Consultado o 2020-04-22.