Sendeiro da costa de Gales
O sendeiro da costa de Gales (galés: Llwybr Arfordir Cymru) é un paseo de longa distancia que percorre toda a liña costeira de Gales. Foi inaugurado o 5 de maio de 2012, e comprende 1.400 km de camiño entre Chepstow, no sur, ata Queensferry, no norte.[1]
Gales é o primeiro país do mundo en ofrecer unha ruta ó longo de toda a súa costa. O sendeiro pasa por once Reservas Nacionais da Natureza e outras reservas, como as controladas por The Wildlife Trusts ou a Royal Society for the Protection of Birds (RSPB).[2] Lonely Planet calificou a costa de Gales no primeiro lugar na súa clasicafición das 10 mellores de 2012.[3]
Características editar
O sendeiro da costa de Gales foi inaugurado o 5 de maio de 2012 como o primeiro sendeiro costeiro do mundo en cubrir toda unha nación.[4][5][6] Dende o seu punto de comezo, percorre toda a costa galesa de Chepstow no sur ata Queensferry no norte. Moitas partes xa tiñan camiños establecidos como o Camiño do Norte de Gales, a ruta costeira de Anglesey e o Sendeiro de Llŷn. O sendeiro de Pembrokeshire xa estaba pensado como un sendeiro nacional,[7] e no 2011 foi elixido pola revista National Geographic como o segundo mellor destino costeiro do mundo.[8][9]
O camiño discorre a través de 1.400 quilómetros da paisaxística costa, dende a desembocadura do río Dee, ó longo da costa norte de Gales, coas súas vilas costeiras, sobre o estreito de Menai na illa de Anglesey, dende a península de Llyn pola baía de Cardigan, a través do único parque nacional costeiro de Gran Bretaña en Pembrokeshire, a través de Gower, polo paseo marítimo da baía de Cardiff e na zona do mercado de Chepstow.[1] Toda a ruta é accesible para sendeiristas e, mesmo nalgunas seccións pode ser utilizada por ciclistas, familias con carriños de bebé, persoas con mobilidade reducida ou xinetes.[2]
A responsabilidade xeral de establecer a ruta acadouse co Consello de Campo de Gales (agora Recursos Naturais de Gales), mais a xestión sobre o terreo corresponde ás 15 áreas do goberno local que atravesa.[10] Cinco sendeiros sinalizados como de longa distancia na costa xa estaban establecidos en Pembrokeshire, Anglesey , Gwynedd , Ceredigion e na costa norte de Gales. Estes formaron a base para cinco das oito áreas xeográficas que agora conforman a ruta. As tres áreas restantes compóñense dos condados individuais, combinados e cidades dos condados costeiros.[11]
Galería editar
-
Faro da Baía Carreg Onnen -
Sendeiro de Pembrokeshire preto da Baía Ceibwr -
Sendeiro de Pembrokeshire entre Pwllgwaelod e Fishguard -
Mwnt -
Praia de Newboroug e illa de Llanddwyn
Notas editar
- ↑ 1,0 1,1 BBC News Wales - Wales Coast Path nears completion Data de acceso: 27 de maio de 2014. ((en inglés))
- ↑ 2,0 2,1 www.firstnature.com - wales Coast Path
- ↑ Lonely Planet - Lonely Planet’s Best in Travel: top 10 regions for 2012
- ↑ BBC News (5 de maio 2012). "Wales Coast Path officially opens with events in Cardiff, Aberystwyth and Flint". Consultado o 27 de maio de 2014.
The world's first coastal path to cover an entire country has been officially opened in Wales.
- ↑ Ordnance Survey, ed. (19 de xullo de 2012). "Wales Coast Path set for a boost as entrepreneurs get to work". Arquivado dende o orixinal o 21 de abril de 2013. Consultado o 19 de decembro de 2012.
The recently opened Wales Coast Path is the first coastal network in the world to cover an entire country.
- ↑ The Guardian, Wales coastal path offers a walk on the wild – and industrial – side, 4 de maio 2012. Data de acceso: 27 de maio de 2014. ((en inglés))
- ↑ Pembrokeshire Coast Path National Trail Arquivado 17 de agosto de 2013 en Wayback Machine. Data de acceso: 27 de maio de 2014. ((en inglés))
- ↑ www.NationalTrails.co.uk - news article Arquivado 28 de xuño de 2011 en Wayback Machine. Data de acceso: 27 de maio de 2014. ((en inglés))
- ↑ Wales Online, ed. (10 de agosto de 2011). "Pembrokeshire Coast Path walks off with accolade of being one of world's top trails". Consultado o 27 de maio de 2014.
- ↑ Countryside Council for Wales: Wales Coast Path Arquivado 04 de outubro de 2013 en Wayback Machine. Data de acceso: 27 de maio de 2014. ((en inglés))
- ↑ walescoastpath.gov.uk History Arquivado 29 de maio de 2014 en Wayback Machine. Data de acceso: 27 de maio de 2014. ((en inglés))
Véxase tamén editar
| Wikimedia Commons ten máis contidos multimedia na categoría: Sendeiro da costa de Gales |
Ligazóns externas editar
- Páxina oficial do Sendeiro da costa de Gales (en inglés) e (en galés)