Semielfo

ser ficticio ou mitolóxico, a prole dun elfo e un ser humano

Un semielfo é un ser ficticio ou mitolóxico, a prole dun elfo e un humano. A miúdo represéntanse como moi fermosos e dotados de poderes máxicos. Os semielfos son coñecidos principalmente polos escritos de J. R. R. Tolkien sobre o mundo imaxinario da Terra Media, mais as súas orixes remóntanse á mitoloxía nórdica.

Representación da semielfa Arwen, personaxe creado polo autor inglés J. R. R. Tolkien.

Na Terra Media, os semielfos son os fillos mestizos da raza dos elfos e a dos homes, e poden escoller a inmortalidade elfica ou a vida mortal dos homes. As damas elfas Lúthien e Arwen das obras de Tolkien escollen as dúas a mortalidade. Os estudosos consideraron o significado das eleccións tomadas por Lúthien e Arwen, que combinan amor e morte, lealdade familiar, inmortalidade, destino e fe de que, deixando pasar, pódese chegar á luz, mentres que manter, aínda que é natural, é realmente unha insensatez.