Sebastián de Aparicio
Sebastián de Aparicio Prado, nado na Gudiña o 20 de xaneiro de 1502 e finado en Puebla (México) o 25 de febreiro de 1600, foi un relixioso franciscano galego.
| Sebastián de Aparicio | |
|---|---|
 escultura de Sebastián de Aparicio na Gudiña | |
| Nacemento | 20 de xaneiro de 1502 |
| Lugar de nacemento | A Gudiña |
| Falecemento | 25 de febreiro de 1600 |
| Lugar de falecemento | Puebla de Zaragoza |
| Soterrado | Estado de Puebla |
| Nacionalidade | Coroa de Castela |
| Relixión | Igrexa católica latina |
| Ocupación | misioneiro, relixioso cristián e arriero |
| [ editar datos en Wikidata ] | |
TraxectoriaEditar
A lenda conta que un lobo o curou da peste bubónica cando rapaz[1]. De mozo foi á seitura a Castela, e posteriormente traballou como xornaleiro en Zafra e como criado en Sanlúcar de Barrameda. En 1533 emigrou a México, onde se estableceu na cidade de Puebla como agricultor e gandeiro, e posteriormente entrou no mercado do transporte por estrada, onde avogou pola construción da Ruta da Prata mexicana e mais polo emprego de animais no transporte de mercadorías, en substitución de humanos indíxenas. Logo mercou propiedades na Cidade de México e trasladouse a vivir nelas (en Chapultepec e Atzcapotzalco). Casou por dúas veces, en 1562 e 1564, con dúas rapazas novas, mais as dúas faleceron de forma rápida.
En 1573 doou todas as súas propiedades a un convento de clarisas e ingresou nel como traballador. Ao ano seguinte fíxose frade franciscano en Cidade de México e en 1575 entrou nun convento en Tecali de Herrera, preto de Puebla. En 1576 marchou ao convento de Puebla, onde permaneceu ata a súa morte, traballando como esmolante. Alcumárono "o frade das carretas".
Foi beatificado o 17 de maio de 1789 polo seu labor misioneiro en México. Os seus restos están expostos na igrexa de San Francisco, en Puebla.
Galería de imaxesEditar
Restos de Sebastián de Aparicio na igrexa de San Francisco de Puebla.
O beato en procesión na Gudiña.
NotasEditar
- ↑ Calvo Moralejo, G.. "25 de febrero: beato Sebastián de Aparicio". Orde Franciscana.
Véxase taménEditar
BibliografíaEditar
- Calvo Moralejo, G. (1973). Emigrante... hay camino: Sebastián de Aparicio. ISBN 84-400-6974-X.
- Filgueira Valverde, X. (1996). A vida do Beato Aparicio nas "Estampas" de Pietro Bombelli. Consello da Cultura Galega. ISBN 84-87172-78-4.
- Gallego Fernández, J. (1974). Beato Sebastián de Aparicio. Vidas extraordinarias. Ourense: La Región. ISBN 84-400-7140-X.