Samuel Gómez González
Samuel Gómez González, nado en Nocelo (Baños de Molgas) o 20 de xullo de 1913 e finado en Ourense nos anos 90, foi un profesor e escritor galego.
| Biografía | |
|---|---|
| Nacemento | 20 de xullo de 1913  Baños de Molgas |
| Morte | década de 1990 (76/86 anos) Ourense |
| Datos persoais | |
| País de nacionalidade | España |
| Actividade | |
| Ocupación | xornalista |
| Lingua | Lingua castelá |
Traxectoria editar
Entre os anos 1915 a 1928 viviu en México, onde emigraran os seus pais, Antonio e Hermelinda. En 1928 retornou a súa aldea, estudou o bacharelato en Ourense, e no ano 1933 matriculouse no primeiro Curso de Dereito da Universidade de Santiago de Compostela, e o ano seguinte marchou a Madrid para continuar a carreira. Profesor radicado en Madrid no último bienio da Segunda República. Algúns dos seus poemas apareceron en El Compostelano. Durante a Guerra civil dirixiu o periódico Galicia Libre (1937-1939), voceiro da Agrupación de Gallegos Libertarios e presidiu o I Congreso das Agrupaciones de Gallegos Libertarios na primavera de 1938. Ao rematar a guerra retornou a Galicia, completou os estudos de Dereito en Santiago de Compostela, onde montou unha Academia (Enseñanzas "Gelmirez"), e despois exerceu a avogacía en Ourense. Publicou varios libros de poesía e colaborou en revistas literarias.
Obras editar
- En las orillas del Miño, 1956.
- Posío, 1956 (Premio de poesía "Galicia", 1955).
- Saudades de Compostela, 1957.
- Fe de vida. Poesías, 1977.
- Mensaje de Paz, 1978.
- Sonetos a Carballino.
- Márgenes Atlanticas.
Véxase tamén editar
Bibliografía editar
- Fernández, Eliseo; Pereira, Dionisio (2004). O anarquismo na Galiza. Santiago de Compostela: Positivas. pp. 131–132. ISBN 84-87783-79-1.