Salustiano Vidal Lores
Salustiano Vidal Lores, nado en Fefiñáns (Cambados) o 4 de febreiro de 1850 e finado no mesmo concello o 8 de xuño de 1930, foi un político galego.
| Biografía | |
|---|---|
| Nacemento | 4 de febreiro de 1850  Cambados, España |
| Morte | 8 de xuño de 1930 (80 anos) Fefiñáns, España |
| Alcalde de Meis | |
| | |
| Datos persoais | |
| País de nacionalidade | España |
| Actividade | |
| Ocupación | político |
| Lingua | Lingua castelá |
| Familia | |
| Fillos | Juan Eugenio Vidal Fraga |
Traxectoria editar
Fillo de Juan Vidal Fraga e Mercedes Lores Berta. Emigrou moi novo a Arxentina onde amansou un considerábel capital. Retornou a Galicia cara a 1885 e mercou o pazo de Caticovas en Nogueira e unha casa na vila de Cambados. Foi administrador dos Marqueses de Santa María del Villar. Foi alcalde de Cambados por Real Orde en xullo de 1895,[1] e volveu ser nomeado alcalde por Real Orde en xuño de 1897,[2] e novamente en xullo de 1899.[3] En 1909 foi elixido alcalde de Meis.[4] Tivo a oposición dos agrarios encabezados por Ramón Salgado Pérez que o acusaron de actividades caciquís. Coa chegada da ditadura de Primo de Rivera cesou no cargo.
| Predecesor: Manuel Silva Louro |
 Alcalde de Cambados 1895 - 1901 |
Sucesor: Andrés Iglesias Domingo |
| Predecesor: ? |
 Alcalde de Meis 1908 - 1923 |
Sucesor: ? |
Vida persoal editar
Casou en primeiras nupcias con Matilde Oubiñas Preciado na Arxentina, e foi pai de Salustiano e Pío Vidal Oubiñas, que finou en 1909 con 22 anos.[5] Logo de enviuvar en 1895 volveu casar en 1900 con Encarnación Fraga Padín, filla de Eugenio Fraga Mascató, e foi pai de Carmelo Antonio e Juan Eugenio Vidal Fraga.
Notas editar
Véxase tamén editar
Bibliografía editar
- Gallego Rei, Mario; Milleiro Sánchez, Celso Xavier; Moreira Docampo, Xosé Manuel (2012). Para despois do silencio. O Concello de Meis da II República a Guerra Civil. Vigo: Ir Indo. pp. 197–198. ISBN 978-84-7680-692-0.