Saltopus

Saltopus Rango fósil: 228 Ma PreЄ Є O S D C P T J K Pg N ↓ Triásico Superior
Clasificación científica
Reino: Animalia Filo: Chordata Clase: Sauropsida (sen clasif.): Ornithodira (sen clasif.): Dinosauriformes Xénero: ''Saltopus'' von Huene, 1910
Nome binomial
''Saltopus elginensis'' von Huene, 1910

Saltopus é un xénero de dinosauro bípede moi pequeno do que só se coñece unha única especie S. elginensis. Viviu durante o período Triásico tardío no que no presente é Escocia. É un dos máis famosos réptiles de Elgin.

Descrición

Saltopus elginensis é coñecido por un único esqueleto parcial ao que lle falta a caveira mais que inclúe partes da columna vertebral, as extremidades anteriores, a pelve e as extremidades posteriores. Estes conserváronse principalmente como impresións ou fundicións naturais no gres e conta con moi pouco material óseo. Tiña a metade de tamaño dun gato doméstico, e podería chegar a medir entre 80 e 100 cm de longo. Tiña os ósos ocos coma os dos paxaros e outros dinosauros. É probable que o seu peso roldase arredor de 1 kg. A maioría da súa lonxitude está atribuída á súa longa cola. Tiña mans con cinco dedos, sendo o cuarto e o quinto máis pequenos que os outros. Ao contrario da descrición orixinal, en 2011 estabeleceuse que o sacro estaba composto de dúas vértebras, sendo esta unha condición primitiva, e non por catro.