Salinas, Castrillón

Salinas (Salinas en asturiano) é unha parroquia civil do concello de Castrillón, no Principado de Asturias (España).

Salinas, Castrillón

Localización
43°34′32″N 5°57′41″O
Estado	España
Comunidade autónoma	Asturias
Provincia	provincia de Asturias
Concello	Castrillón
Poboación
Poboación	4.359 (2020)
Xeografía
Bañado por	Mar Cantábrico
Altitude	8 m
Comparte fronteira con	Laspra
Santo padrón	Virxe do Carme
Identificador descritivo
Fuso horario	UTC+01:00
Código INE	33016080000

Vista aérea da parroquia.

É unha vila balnearia que é a segunda localidade máis poboada do concello, por detrás da súa capital, Piedrasblancas, da que dista 2 km.

Xeografía

Plara de Salinas. Museo de Áncoras "Philippe Cousteau" e la Peñona.

A parroquia limita ao norte co mar Cantábrico, ao leste cos concellos de Gozón e Avilés, ao sur co de Avilés, e ao oeste, coa parroquia civil de Laspra.

Situada a unha altitude media de 5 msnm, ocupa un territorio de 3,77 km². No ano 2009 albergaba unha poboación de 4 517 habitantes, polo que a densidade de poboación nese ano era de 1 198,14 hab./km².

Dispón dunha das praias máis extensas de Asturias, con máis de 2 500 m de lonxitude, que está dividida en dúas: a praia de San Juan de Nieva, e a praia de Salinas propiamente dita. É un importante centro de lecer de verán na costa asturiana.

Salinas alberga o Museo de Áncoras "Philippe Cousteau", en cuxa contorna se encontra o monumento a Philippe Cousteau (fillo de Jacques-Yves Cousteau, e oceanógrafo e cineasta coma el), obra de Vicente Menéndez-Santarúa Prendes.

Historia

A historia se Salinas remóntase á presenza romana no próximo castro de Raíces, reconstruído na Idade Media por Afonso III, denominado entón como castelo de Gauzón.^{[Cómpre referencia]}. A historia conta que neste castelo realizouse a Cruz da Vitoria, emblema heráldico do Principado de Asturias que hoxe se garda na Catedral de Oviedo.

En xullo de 2005 iniciáronse escavacións arqueolóxicas para a súa recuperación, pasando a albergar un museo sobre a historia local, xunto con centro de interpretación do castelo de Gauzón, localizado en Raíces Nuevo.

O desenvolvemento moderno de Salinas está estreitamente vinculado á implantación e actividade da Real Compañía Asturiana de Minas, actualmente denominada Asturiana de Zinc, así como ao Real Club Náutico de Salinas. Este último xurdiu por iniciativa de varias familias de Oviedo e Madrid que pasaban tradicionalmente as súas vacacións en Salinas.