Rise Against
Rise Against é unha banda estadounidense de punk rock procedente de Chicago, Illinois e formada en 1999. Na actualidade está composta por Tim McIlrath (voces, guitarra), Zach Blair (guitarra, coros), Joe Principe (baixo, coros) e Brandon Barnes (batería, percusión).
| Rise Against | |
|---|---|
 | |
| Orixe | Chicago, Illinois,  |
| Período | 1999 - actualidade |
| Xénero(s) | hardcore punk, punk rock, hardcore melódico |
| Selo(s) discográfico(s) | Fat Wreck Chords, Geffen, DGC, Interscope |
| Membros | Tim McIlrath Joe Principe Brandon Barnes Zach Blair |
| Antigos membros | Toni Tintari Mr. Precision Todd Mohney Kevin White Chris Chasse |
| Na rede | |
| http://www.riseagainst.com/ | |
                  | |
Rise Against pasou os seus primeiros cinco anos co selo independente Fat Wreck Chords, a través do cal editou dous álbums de estudio, The Unraveling (2001) e Revolutions per Minute (2003). Ámbolos dous tiveron un éxito considerable no underground, e no ano 2003 o grupo asinou un contrato con Geffen.
A súa estrea cunha grande discográfica, Siren Song of the Counter Culture, fixo que a banda conseguise éxito entre o grande público. O seu cuarto álbum de estudio, The Sufferer & the Witness estreouse no número 10 da lista Billboard 200 e tivo moi boas críticas. O quinto traballo, Appeal to Reason, apareceu en outubro do 2008 e estreouse no número 3 da Billboard 200. Os tres álbums editados por Geffen foron certificados platino no Canadá e ouro nos Estados Unidos.
A banda é coñecida polas súas letras políticas e o seu activismo, promovendo activamente os dereitos dos animais, sendo todos os seus membros straight edge (agás Barnes), apoian a PETA e son vexetarianos. Rise Against recentemente gravou o seu sexto álbum, Endgame at The Blasting Room, en Fort Collins, e foi editado o 15 de marzo do 2011.
Discografía
editarÁlbums de estudio
editar| Álbum | Ano | Selo |
|---|---|---|
| The Unraveling | 2001 | Fat Wreck Chords |
| Revolutions per Minute | 2003 | Fat Wreck Chords |
| Siren Song of the Counter Culture | 2004 | Geffen Records |
| The Sufferer & the Witness | 2006 | Geffen Records |
| Appeal to Reason | 2008 | DGC, Interscope |
| Endgame | 2011 | DGC, Interscope |
| The Black Market | 2014 | Interscope |
| Wolves | 2017 | Virgin Records |
| Nowhere Generation | 2021 | Loma Vista Recordings |
EPs
editar- AOL Undercover - 2007 (Geffen Records)
- This Is Noise - 2007 (Geffen Records)
- Rise Against 7" - 2009 (Fat Wreck Chords)
- Join the Ranks - 2011 (Fat Wreck Chords)
Véxase tamén
editarLigazóns externas
editar- Páxina oficial (en inglés)