Riohacha

Riohacha (en wayuunaiki: Süchiimma; que se traduce como a "Terra do Río") é un concello colombiano, capital do departamento de La Guajira. Atópase na costa do mar Caribe, no delta do río Ranchería. É o segundo concello con maior extensión territorial no seu departamento e constitúe unha vasta engrenaxe de entidades públicas, bancos e entidades financeiras, sede da Diocese de Riohacha; institucións culturais, educativas, escenarios deportivos e o seu sector comercial. Conta cunha poboación estimada de 277 913 (2017) habitantes distribuída en 15 correxementos, 8 resgardos indíxenas e a súa cabeceira municipal que se ensancha afastándose da costa.

Riohacha

Localización
11°32′39″N 72°54′25″O
Estado	Colombia
Departamento	La Guajira
Capital de	La Guajira
Poboación
Poboación	167.865 (2005) (33,44 hab./km²)
Xeografía
Superficie	5.020 km²
Altitude	5 m
Datos históricos
Fundador	Nikolaus Federmann
Creación	1547
Identificador descritivo
Código postal	440001
Outro
Irmandado con	Maracaibo
Sitio web	riohacha-laguajira.gov.co

Instituída a mediados do século XVI, é considerada como unha das cidades fundadas por españois máis antiga de América. A súa historia demóstranos un pasado de "destrución e reconstrución": en 1596 foi destruída polo pirata inglés Francis Drake; a mediados do século XVII o mar arrasou gran parte da cidade; en 1820 as forzas patriotas, despois de librar a batalla naval da Lagoa Salá, queimaron a cidade para asegurarse que non fose reocupada por realistas. É por iso considerada O Fénix do Caribe. No pasado estivo habitada principalmente por indíxenas eneales, guanebucanes, wiwas e wayuus; estes dous últimos aínda viven no concello. Desde eses tempos era considerada un templo ou santuario de enterros preciosos e "pagamentos".

Véxase tamén

Ligazóns externas

• Páxina oficial Arquivado 16 de xaneiro de 2019 en Wayback Machine. (en castelán)