Rexión de Lisboa

Localización da
Rexión de Lisboa

A Rexión de Lisboa (en portugués: Região de Lisboa) é unha rexión (NUTS II) portuguesa, que comprende aproximadamente a metade sur do distrito de Lisboa e a metade norte do de Setúbal. Limita ao norte coa Rexión Centro; a nordeste, leste e a sur co Alentexo, e a sur e oeste co océano Atlántico. Área: 2.802 km². Poboación (2007): 2.808.414 (27,7% do Continente).

Esta rexión estatística foi creada en 2002, despois de que a Rexión de Lisboa e Val do Texo fose repartida entre a Rexión Centro (para onde foron as subrexións do Oeste e Medio Texo) e o Alentexo (para onde pasou a Lezíria do Texo), despois do cal foi renomeada como Rexión de Lisboa, comprendendo soamente as dúas subrexións estatísticas (NUTS III) que ficaron da antiga rexión LVT:

• Grande Lisboa
• Península de Setúbal

A Rexión de Lisboa comprende 18 concellos (5,8% do total nacional).