Resident Evil: Umbrella Chronicles
Resident Evil: Umbrella Chronicles é un videoxogo de pistola pertencente á serie Resident Evil, producido por Capcom e lanzado en novembro de 2007 para Nintendo Wii. Inclúe diversos escenarios presentes noutras entregas da serie: Resident Evil 0, Resident Evil e Resident Evil 3.
| Resident Evil: Umbrella Chronicles | |
|---|---|
| Tipo | videoxogo  |
| Xénero artístico | shoot 'em up e shooter sobre raís |
| Franquía | Resident Evil |
| Modo de xogo | videoxogo multixogador e videoxogo para un xogador |
| Autoría | |
| Compositor/a | Masafumi Takada |
| Desenvolvedor | Capcom |
| Temática | |
| Ambientado en | Rusia |
| Universo ficticio | universo de Resident Evil |
| Publicación | |
Data publicación
| |
| País orixe | Xapón |
| Editorial | Capcom |
| Distribuidor/a | Nintendo eShop e PlayStation Store |
| Unidades vendidas | 1300000 (31 de marzo de 2022) |
| Formato de distribución | descarga dixital |
| Plataforma | Wii e PlayStation 3 |
| Parte da serie | Resident Evil |
| Clasificación | |
| Clasificación | PEGI  CERO  |
| Contacto | |
| Redes |  |
| [ Wikidata ] | |
Estilo de xogo
editarTrátase dun videoxogo de pistola sobre raís. É dicir, o xogador non move á personaxe, senón que esta ten unha ruta fixa executada pola videoconsola. O obxectivo é disparar e eliminar os inimigos de cada pantalla dentro dun límite de tempo. O control está adaptado aos mandos de Wii, podendo empregar o Wiimote ou o Wii Zapper. A medida que avanza a historia, o xogador gaña melloras para o armamento e pode descubrir documentos relativos a Umbrella, a corporación ficticia presente en toda a serie.
Sinopse
editarUmbrella Chronicles narra feitos acontecidos noutras entregas de Resident Evil: Resident Evil 0, Resident Evil e Resident Evil 3. Cada escenario presenta unha serie de inimigos distintivos e unha parella de personaxes propia: Rebecca Chambers e Billy Coen nas pantallas de Resident Evil 0, Jill Valentine e Ricardo Olivera nas de Resident Evil 3, por último, Chris Redfield e de novo Jill Valentine nas pantallas de Resident Evil.
Multixogador
editarO xogo consta dun multixogador cooperativo para dúas persoas, cada unha cun punteiro para disparar. Carece de multixogador en liña.
Recepción e crítica
editarA prensa especializada acolleuno con boas notas, acadando un 75 en Metacritic[1]. IGN outorgoulle un 79 [2], mentres que GameSpy concedeulle un 70 [3].
Vendas
editarCapcom logrou vender 1,34 millóns de unidades desta entrega[4].
Notas
editar- ↑ "Copia arquivada". Arquivado dende o orixinal o 15 de abril de 2010. Consultado o 04 de abril de 2010.
- ↑ "Copia arquivada". Arquivado dende o orixinal o 19 de xuño de 2010. Consultado o 04 de abril de 2010.
- ↑ http://wii.gamespy.com/wii/resident-evil-wii/836669p1.html
- ↑ http://www.vgchartz.com/games/game.php?id=6971