Ramón Ramos Lamas
Ramón Ramos Lamas, nado en Fontao (Vila de Cruces) en 1911 e finado na mesma parroquia o 16 de setembro de 1941, foi un mineiro e sindicalista galego.
| Biografía | |
|---|---|
| Nacemento | 1911  Fontao, España |
| Morte | 16 de setembro de 1941 (29/30 anos) Fontao, España |
| Datos persoais | |
| País de nacionalidade | España |
| Actividade | |
| Ocupación | mineiro , sindicalista |
| Lingua | Lingua castelá |
Traxectoria editar
Mineiro en Fontao, foi secretario do Sindicato de Obreros de las Minas de Estaño. Co golpe de Estado do 18 de xullo de 1936 foi detido o 23 de xullo e trasladado á illa de San Simón. Xulgado e Pontevedra en consello de guerra o 9 de xaneiro por auxilio á rebelión xunto con outros 18 republicanos de Carbia,[1] foi condenado a cadea perpetua.[2] Foi trasladado ao penal de San Cristóbal en Pamplona en xullo. Participou na fuga do penal de Pamplona o 22 de maio de 1938 e foi capturado en Olave, reingresando o 23 de maio. Foille conmutada a pena en 1941 e retornou a Fontao, onde morreu a consecuencia dos padecementos da prisión o 16 de setembro dese ano.
Vida persoal editar
Casou con Luisa Penalta e tivo unha filla.