Río Marne

O Marne é un río de Francia, afluente do Sena que rega unha rexión ao leste e sueste de París. O seu curso é duns 525 km. O río dá nome ao departamento de Marne; durante a primeira guerra mundial disputáronse dúas importantes batallas ao longo do río.

Río Marne
Beiras do Marne en Noisy le Grand no departamento da Sena-San Denis.
País	Francia
Nacemento	Langres no departamento Alto Marne
Lonxitude	525 km
Caudal medio	110 m³.s-1 medida collida en Gournay-sur-Marne (Sena-San Denis)
Desembocadura	Río Sena
Localización, curso do Marne en azul escuro.

O Marne nace na meseta de Langres, segue o seu curso cara ao norte ata que xira ao oeste entre Saint-Dizier e Châlons-en-Champagne, uníndose ao Sena en Charenton-le-Pont preto de París.

Departamentos e principais cidades atravesadas polo Marne

• Alto Marne (52) : Chaumont, Saint-Dizier
• Marne (51) : Châlons-en-Champagne, Épernay
• Aisne (02) : Château-Thierry
• Sene e Marne (77) : Meaux, Lagny-sur-Marne, Torcy (Seine-et-Marne), Noisiel
• Sena-San Denis (93) : Neuilly-sur-Marne, Noisy-le-Grand
• Val do Marne (94) : Nogent-sur-Marne, Créteil, Charenton-le-Pont, Champigny-sur-Marne, Saint-Maur-des-Fossés, Joinville-le-Pont, Saint-Maurice

As beiras do Marne, terra de pintores

Cadro de Paul Cézanne das beiras do Marne .

Xa no século XIX cando chegou a moda de pintar fóra (à l'air libre), nas beiras do Marne houbo moitos lugares, e en particular en Nogent sur Marne, onde era habitual ver os pintores instalados. A beiras do Marne inspiraron os pintores:

• Camille Corot
• Paul Cézanne
• Camille Pissarro
• Henri Rousseau
• Albert Marquet
• Raoul Dufy
• André Dunoyer de Segonzac
• Louis Vuillermoz
• Maurice Boitel

Véxase tamén