Río Deba
O Deba (en castelán: Deva) é un río do País Vasco que nace nas montañas de Arlaban, no extremo occidental da Serra de Elgea, moi preto de Leintz-Gatzaga.
| Río Deba | |
|---|---|
 | |
| País | Euskadi, España |
| Nacemento | Arlaban |
| Altitude | 600 msmn |
| Lonxitude | 58 km |
| Conca | 1.125 km² |
| Caudal medio | 13,4 m³/s |
| Desembocadura | Mar Cantábrico |
O río percorre Guipúscoa e desemboca no mar Cantábrico formando unha ría xunto á localidade de Deba. No seu percorrido pasa polos concellos de Leintz-Gatzaga, Eskoriatza, Aretxabaleta, Arrasate, Bergara, Soraluze, Elgoibar, Mendaro e Deba. O río dá nome a dúas comarcas da provincia: Debagoiena (Alto Deba) e Debabarrena (Baixo Deba).
Os seus principais afluentes son o Angiozar, o Aramaio, o Aranerreka, o Kilimon e o Ego pola marxe esquerda e o Oñati pola dereita.