Río Ambroz
O Ambroz é un pequeno río español, que corre pola comunidade autónoma de Estremadura, afluente do Alagón (conca do río Texo), ao cal rende as súas augas pola marxe esquerda despois duns 42 km de percorrido.
Río Ambroz | |
---|---|
País | España |
Nacemento | Serra de Tras la Sierra Cáceres |
Altitude | 1.800 m |
Lonxitude | 42 km |
Desembocadura | Río Alagón |
Outros nomes editar
Na altura do concello cacereño de Guijo de Granadilla é denominado río Cáparra por atravesar as ruínas romanas de Cáparra, e onde subsiste unha ponte romana.
Curso editar
O Ambroz nace na Serra de Tras la Sierra, no norte da provincia de Cáceres, que separa a conca do río Jerte da do Alagón, a uns 1.800 m de altitude. No seu percorrido orixina o Val do Ambroz, antes de unirse co Alagón.
A poboación máis importante que atravesa o río é Hervás.
Afluentes editar
Os seus tributarios son ríos de montaña de curto percorrido, dos que cómpre citar o río Baños, que atravesa a localidade de Baños de Montemayor, e o regato de Hornacinos.
Explotación industrial editar
No Ambroz sitúase o encoro de Baños, levantado en 1993, con 40,86 hm3 de capacidade.