Quiralidade (xeometría)

A quiralidade[1](do grego χειρ, kheir: "man"[2]) é unha propiedade de asimetría importante en varias ramas da ciencia. Un obxecto ou sistema é quiral se non se pode superpoñer á súa imaxe especular. O obxecto quiral e a súa imaxe especular chámanse enantiomorfos (do grego formas opostas) ou enantiómeros cando se refiren ás moléculas. Chámase obxecto aquiral ou non quiral (ás veces tamén anfiquiral) se pode superpoñerse á súa imaxe especular.

As pezas en forma de L e S do Tetris son quirais 2D. O cadrado, a barra e a T son aquirais.

Definición xeométricaEditar

En xeometría unha figura é aquiral se e só se o seu grupo de simetría contén polo menos unha isometría de inversión de orientación. En dúas dimensións, cada figura que posúe un eixe de simetría é aquiral, e pode demostrarse que cada figura aquiral acoutada debe ter un eixe de simetría.

En tres dimensións, cada figura que posúe un plano de simetría ou un centro de simetría é aquiral. Porén, hai figuras aquirais que carecen tanto de planos coma de centro de simetría. En termos de grupos puntuais, todas as figuras quirais carecen dun eixe de rotación impropio (Sn). Isto significa que non poden conter un centro de inversión (i) ou un plano especular (σ). Soamente poden ser quirais as figuras cunha designación de grupo puntual C1, Cn, Dn, T, O, ou I.

NotasEditar

  1. "bUSCatermos". aplicacions.usc.es. Consultado o 2022-04-11. 
  2. "QUIRO". Etimologías de Chile - Diccionario que explica el origen de las palabras (en castelán). Consultado o 2022-04-11. 

Véxase taménEditar

Outros artigosEditar