Pyynikin kesäteatteri

O Pyynikin kesäteatteri (en galego Teatro de Verán de Pyynikki) é un teatro ao aire libre situado no barrio de Pyynikki da cidade de Tampere, Finlandia. Especialmente coñecido polo seu auditorio xiratorio, é un dos teatros ao aire libre máis grandes de Finlandia e o que máis tempo leva en funcionamento do país.

Teatro de Verán de Pyynikki Pyynikin kesäteatteri
Cidade	Tampere
País	Finlandia
Coordenadas	61.491111, 23.738333
Arquitecto/s	Reijo Ojanen (escenario xiratorio)
Dirixido por	Hanna Suurhasko
Capacidade	836
Uso actual	Representacións teatrais
Páxina web	pyynikinkesateatteri.fi

Foi fundado polos actores Yrjö Kostermaa e Toivo Mäkelä, entrando en fncionamento en 1948 baixo o nome de Tampereen Kesäteatterin (en galego "Teatro de verán de Tampere") en Joselininniemi á beira do lago Pyhäjärven, onde aínda se celebran as representacións na actualidade. En 1955 o Club de Teatro de Tampere converteuse no seu responsable, mudando nese momento o seu nome pola súa denominación actual.

En 1959 completouse o auditorio xiratorio de 792 localidades obra de Reijo Ojanen. Se ben na segunda metade da década de 1950 o teatro experimentara un notable crecemento, foi na década seguinte cando se produciu un auténtico avance logo de que a adaptación teatral do libro de Väinö Linna Tuntematon sotilas gañara unha gran popularidade que a levou a permanecer en cartel durante unha década. A partir de 1972 o Pyynikin kesäteatteri pasou a representar unha soa obra durante o verán.

Entre as décadas de 1980 e 1990 o teatro experimentou un período de transición logo das mortes de Olavi Veistäjä e Veli Sandelli, que tiveron unha grande influencia no Club de Teatro de Tampere. A institución liderada inicialmente por Rauli Lehtonen, a quen sucederon o profesor Panu Rajala.

A mediados da década de 1990 reformouse o auditorio xiratorio, aumentando a súa capacidade ata os 836 asentos.

Véxase tamén

Ligazóns externas

• Sitio web do Pyynikin kesäteatteri (en finés)