Pregúntalle ao vento

Pregúntalle ao vento (en inglés: Ask the Dust) é un filme estadounidense do ano 2006. É un drama dirixido por Robert Towne, adaptado do libro Ask the Dust de John Fante. Estreouse en galego na TVG o 10 de xuño de 2009.

Pregúntalle ao vento
Ficha técnica
Título orixinal	Ask the Dust
Director	Robert Towne
Produtor	Tom Cruise Jonas McCord Paula Wagner
Guión	Robert Towne
Baseado en	Ask the Dust de John Fante
Intérpretes	Colin Farrell Salma Hayek Donald Sutherland Idina Menzel
Música	Ramin Djawadi Heitor Pereira
Distribuidora	Paramount Classics (USA) Pathé (RU)
Estrea	17 de marzo de 2006 10 de xuño de 2009 (TVG)
Duración	117 minutos
Orixe	Estados Unidos
Xénero	Drama
Na rede

Sinopse

Arturo Bandini soña con converterse nun escritor famoso nos Ánxeles (California) a comezos da década de 1930, durante a Gran Depresión. No intento de escribir algo, hospédase nun cuarto barato dun hostal, pero o plan vólvese un fracaso: os cartos acábanse e non consegue publicar nada. Entón coñece a Camilla Lopez, unha camareira mexicana que soña con conseguir un bo marido e deixar o emprego. Xuntos viven unha relación turbia, baseada no desexo, os celos e o desprezo.

Porén, hai bastantes diferenzas respecto á novela orixinal. Arturo e Camila van vivir a unha casa á beira da praia, e Camila morre logo dunha longa enfermidade. A relación entre Camila e Sammy non está tan desenvolvida, porén, Camila e Arturo son parella durante un tempo.

Personaxes

• Colin Farrell como Arturo Bandini
• Salma Hayek como Camilla Lopez
• Donald Sutherland como Hellfrick
• Eileen Atkins como Mrs. Hargraves
• Idina Menzel como Vera Rivkin
• Justin Kirk como Sammy
• Dion Basco como Patricio/houseboy
• Jeremy Crutchley como Solomon
• William Mapother como Bill
• Tamara Craig Thomas como Sally

Véxase tamén

Ligazóns externas

• Ficha na IMDb (en inglés)