Portishead
Portishead é un grupo musical inglés de trip hop, formado en Bristol en 1991.
| Portishead | |
|---|---|
 Portishead, 2013 | |
| Orixe | Bristol,  Inglaterra |
| Período | 1991 - presente |
| Xénero(s) | trip hop, rock experimental, electrónica, rock alternativo, downtempo |
| Selo(s) discográfico(s) | Go!, London, Island / Mercury |
| Membros | Beth Gibbons Geoff Barrow Adrian Utley Dave McDonald |
| Na rede | |
| http://www.portishead.co.uk/ | |
                | |
Historia editar
A banda foi formada en 1991 polo teclista Geoff Barrow e a cantante Beth Gibbons que tomaron o nome da localidade natal de Barrow, situada a 15 km ao oeste de Bristol. Barrow traballara anteriormente con outras dúas bandas de trip hop de Bristol, Massive Attack e Tricky.
Despois de estrear a curtametraxe To Kill a Dead Man, Portishead asinou un contrato coa discográfica Go! Beat que editou o seu primeiro álbum Dummy en 1994, coa colaboración do guitarrista Adrian Utley. A pesar da nula campaña de publicidade da banda, o álbum foi un éxito en Estados Unidos e Europa, os sinxelos "Glory Box" e "Sour Times" alcanzaron a cabeza das listas de éxitos.
O seu segundo álbum Portishead, saíu á venda en 1997 e incluíu o sinxelo "All Mine". Amais, gravaron un concerto con acompañamento de orquestra en Roseland, Nova York, onde foron interpretadas as súas cancións máis famosas. Este, saíu á venda en 1998 cun DVD do concerto. En 1999 colaboraron con Tom Jones nunha canción do seu álbum Reload.
Portishead e outros grupos de trip hop non están conformes con este termo, argumentando que é só unha invención dos medios para catalogar a súa música inclasificábel.
O 24 de xaneiro de 2008 Portishead anunciou a saída dun novo disco, titulado Third, programado para o 14 de abril do mesmo ano.
No ano 2019 anuncian novo disco para o 2020. Ademais Barrow colabora con Netflix na serie "Black Mirror" e Beth Gibbons con Krzysztof Penderecki e a Orquestra Sinfónica da Radio Nacional de Polonia [1][2][3].
Discografía editar
Álbums editar
- Dummy (1994, Go Beat).
- Portishead (1997, Go Beat).
- Roseland NYC Live (1998, Go Beat). Álbum en vivo.
- Third (2008, Island-Universal)
- ↑ "Portishead podría lanzar nuevo disco en 2020". Tónica (en castelán). Consultado o 2020-01-09.
- ↑ "Beth Gibbons de Portishead lanzará nuevo disco". Tónica (en castelán). Consultado o 2020-01-09.
- ↑ "De nuevo 11 años sin disco de Portishead… y casi nadie pregunta ya por qué". jenesaispop.com (en castelán). 2019-01-30. Consultado o 2020-01-09.