Abrir o menú principal

A Ponte Navea está situada por riba do río Navea, o cal fai fronteira entre San Xoán de Río e A Pobra de Trives. Esta, contén un único arco apuntado, que posúe unhas dimensión de 46,50 metros de lonxitude, 3,90 metros de anchura, unha altura de 14,20 sobre o nivel do río e 18,15 metros de luz [1].

Ponte Navea
Localización
Características

HistoriaEditar

É unha construción arquitectónica de orixe romana, segundo as pegadas que quedan visibles. Algunha destas, son o paso da Vía XVIII (para a explotación da minaría e o control de Gallaecia) ou pegadas arqueolóxicas. Exemplos das últimas, poden ser un miliario (atopado no ano 1834) dedicado a dous emperadores, Tito e Domiciano [2], unha lápida de Aelio Sporo (na capela) ou outra de Popilius Hirsutus (na contorna).

Na época medieval, producíronse bastantes cambios na construción inicial da ponte, reestruturándoa case por completo. O cambio máis destacado foi o estreitamento da mesma, pois na antigüidade tiña unha anchura de 7,60 metros. A maiores, tamén hai indicios de que nun principio houbese dous arcos en lugar de soamente un.

ContornaEditar

Ao carón da ponte, atópase unha capela chamada Capela da Encarnación, estando, na actualidade, restaurada. Está construída sobre un templo orixinariamente romano. Na fachada, apréciase unha cruz de Malta, sobre un marco de medio punto, o que significa que pertenceu á orde militar de San Xoán de Xerusalén (chamada tamén, de Malta). Por alí pasaba un camiño de peregrinación Xacobea, e a misión que os cabaleiros desta orde tiñan era a de protexer aos peregrinos que pasaban pola zona.

Hoxe en día aínda se conservan casas ao carón da ponte, así coma unha paisaxe rodeada de carballos e castiñeiros. Metros máis abaixo do río Navea, hai un embalse xunto a dúas pontes, a Ponte Piago, do século XIX, e outra de finais do XX. Por conseguinte, máis arriba atópase o Embalse das Guístolas, preto da estación eléctrica da Pobra de Trives.

Galería de imaxesEditar


BibliografíaEditar


  1. "Ponte Navea y la Vía Nova". La Voz de Galicia (en castelán). 2001-01-26. Consultado o 2019-05-08. 
  2. "Ponte Navea | GALICIA MAXICA". Galicia Máxica | Turismo (en castelán). 2016-03-03. Consultado o 2019-05-08.