Ponte Golden Gate

Ponte Golden Gate;
Tipo	ponte colgante, ponte de aceiro, ponte de peaxe, ponte de estrada e atracción turística
Epónimo	Golden Gate (pt)
Parte de	Sete Marabillas do Mundo Moderno
Material usado	aceiro
Localización
	37°49′11″N 122°28′43″O / 37.8197, -122.4786
Estado	Estados Unidos de América
Estado federado	California
Condado	Condado de Marin
Datas
Fundación	27 de maio de 1937
Inauguración	28 de maio de 1937
Acontecementos
5 de xaneiro de 1933 – 19 de abril de 1937	construción
Dimensións
Altura	746 pés
Anchura	90 pés
Lonxitude	8.981 pés
Persoas e organizacións
Propietario	Golden Gate Bridge, Highway and Transportation District
Arquitecto	Joseph Strauss
Deseñador	Joseph Strauss
Patrimonio cultural
California Historical Landmark
Data	18 de xuño de 1987
	;
Punto histórico da enxeñaría civil
Identificador	golden-gate-bridge
Contacto
Páxina WEB	goldengate.org…
Redes
	[ Wikidata ]

A Golden Gate é unha famosa ponte situada en California, Estados Unidos, que une a península de San Francisco polo norte co sur do condado de Marin. "Golden Gate" é tamén o nome do estreito no cal a ponte está construída, e recibe o seu nome do estreito en Constantinopla, chamado tamén a Porta Dourada, xa que comunicaba Europa con Asia.

A Golden Gate é a ponte máis famosa de San Francisco malia non ser a maior nesta cidade, xa que a Bay Bridge é a vía principal.

Na década posterior á primeira guerra mundial o tráfico rodado na rexión da baía de San Francisco multiplicouse por sete, de modo que o sistema de ferris foi incapaz de absorber ese crecemento. Catalogada coma ponte pénsil, construída entre 1933 e 1937, cunha lonxitude aproximada de 1.280 metros, está pendurada de dúas torres de 227 m de altura. Ten unha calzada de seis carrís (tres en cada dirección) e dispón de carrís protexidos accesibles para peóns e bicicletas. A ponte tamén transporta dunnha a outra beira da canle gran cantidade da enerxía necesaria para o desenvolvemento da zona en tendidos eléctricos e conducións de combustible. Baixo a súa estrutura, deixa 67 m de altura para o paso dos barcos a través da baía. A Golden Gate constituíu a maior obra de enxeñaría da súa época. Hai uns anos tivo que ser repintada con urxencia sobre a súa característica cor alaranxada para evitar a rápida oxidación producida no aceiro da súa estrutura por mor da humidade do océano Pacífico.

Historia

A construción da ponte comezou o 5 de xaneiro de 1933 baixo o programa Works Projects Administration (WPA), un programa de obras públicas iniciado polo goberno de Franklin D. Roosevelt para crear empregos con fondos federais e diminuír os efectos da Gran Depresión. O enxeñeiro xefe do proxecto foi Joseph Strauss. A ponte finalizouse en abril de 1937 e foi aberta ao tráfico peonil o 27 de maio ás 6:00 am, sendo permitido ao tráfico rodado ao día seguinte. A obra inicial custou 35 millóns de dólares da época.

Galería de imaxes

Véxase tamén

Ligazóns externas

Nicolas Janberg's Structurae.