PoSAT-1
primeiro satélite portugués
(Redirección desde «PoSAT 1»)
PoSAT 1, acrónimo de Portugal Satellite 1, foi o primeiro satélite artificial de Portugal, lanzado o 26 de setembro de 1993 mediante un foguete Ariane 4 desde o Centro Espacial de Kourou.[1][2][3][4]
| PoSAT-1 | |
|---|---|
| Tipo | Satélite artificial |
| Organización | Consorcio PoSAT |
| Data de lanzamento | 26 de setembro de 1993[1][2] |
| Foguete portador | Ariane 4[2][3] |
| Sitio de lanzamento | Centro Espacial de Kourou[2][3][4] |
| Obxectivo da misión | Experimental.[2][3][4] |
| NSSDC ID | 1993-061G |
| Datos orbitais | |
| Semieixo maior | 7165 km[1] |
| Inclinación | 98,8°[1] |
| Apoapse | 802,2 km[1] |
| Periapse | 786,7 km[1] |
Características editar
PoSAT 1 foi un pequeno satélite experimental deseñado para obter imaxes desde órbita, determinar a súa propia posición mediante GPS e probar novas técnicas de compresión de datos. Foi construído pola Universidade de Surrey (Reino Unido) dentro dun programa colaborativo entre un consorcio educativo e industrial portugués (o Consorcio PoSAT) e a universidade, xestionado a través da compañía de transferencia tecnolóxica desta última, Surrey Satellite Technology.[1][2][3][4]
O satélite levaba tres instrumentos a bordo:[1][2][3][4]
- Sistema de Imaxes da Terra (EIS): un sistema de dúas cámaras con CCD cun procesador para comprimir as imaxes a bordo antes de envialas a terra. Unha das cámaras tiña unha resolución de 2 km, mentres que a outra a tiña de 200 m.
- Sensor estelar: baseado na mesma tecnoloxía que EIS pero optimizada para obter imaxes das estrelas e determinar a posición do satélite.
- Experimento de navegación GPS.
- Experimento de raios cósmicos: para detectar a radiación da contorna especial arredor do satélite e medir os seus efectos na electrónica de a bordo.
- Experimento de procesamento dixital de sinal: composto por dous procesadores usados como módem programable para optimizar as comunicacións con terra.
- Comunicacións de gardar e enviar: un sistema de almacenamento de datos a bordo e envío a petición cara terra usando o protocolo AX25, permitindo a estacións de terra con equipamento sinxelo e barato utilizar o satélite como enlace entre diferentes puntos da Terra.
Notas editar
- ↑ 1,0 1,1 1,2 1,3 1,4 1,5 1,6 1,7 N2YO (2023). Real Time Satellite Tracking, ed. "POSAT 1" (en inglés). Consultado o 28 de setembro de 2023.
- ↑ 2,0 2,1 2,2 2,3 2,4 2,5 2,6 NASA (28 de outubro de 2022). "POSAT 1" (en inglés). Consultado o 28 de setembro de 2023.
- ↑ 3,0 3,1 3,2 3,3 3,4 3,5 Gunter Dirk Krebs (2023). Gunter's Space Page, ed. "PoSAT 1 (POSAT-OSCAR 28, PO 28)" (en inglés). Consultado o 28 de setembro de 2023.
- ↑ 4,0 4,1 4,2 4,3 4,4 Mark Wade (2023). "PoSAT 1" (en inglés). Consultado o 28 de setembro de 2023.