Pilar Neira
Pilar Neira Martínez, nada en Londres en 1963, é unha exfutbolista e adestradora de fútbol galega.
| Pilar Neira | |||
|---|---|---|---|
.jpg) Pilar Neira en 2013. | |||
| Información persoal | |||
| Nacemento | 1963 e 2 de xuño de 1963 | ||
| Lugar de nacemento | Londres | ||
| [ editar datos en Wikidata ] | |||
Traxectoria como xogadora editar
Criada na cidade da Coruña, practicou como deportista o fútbol e o balonmán. Comezou xogando ao fútbol en 1976 no Karbo CF, equipo de fútbol feminino que en 1980 sería absorvido polo Deportivo pasándose a chamar Karbo Deportivo co que gañou tres campionatos de España. En 1982[Cómpre referencia] fichou no Maravillas SD e posteriormente polo Brigantium CF[1], e en 1985 gañou o campionato de España de seleccións territoriais representando a Galicia.
Traxectoria como adestradora editar
En 1982 obtivo o título de adestradora nacional. Como adestradora ascendeu o Orzán SD a Primeira Nacional e gañou tres campionatos de España. Tamén foi adestradora do Imperátor, e dos equipos de fútbol sala da Capela, o Breogán e o Riazor[2].
En 2007 converteuse na primeira seleccionadora da selección galega de fútbol feminino, posto que ocupou ata 2009.
Ademais, é a presidenta da Asociación de Mulleres Deportistas de Galicia e do Balonmán A Coruña.
Datos persoais editar
Está casada e ten unha filla. É seareira do Deportivo da Coruña[1].
Notas editar
- ↑ 1,0 1,1 Pilar Neira: "Non habería que mesturar deporte e política como pasou coa selección galega Arquivado 30 de agosto de 2010 en Wayback Machine., Xornal de Galicia, 29/08/2010.
- ↑ Pilar Neira entrenará a la selección gallega femenina Arquivado 09 de marzo de 2016 en Wayback Machine., El Correo Gallego, 17/11/2007.