Petro Kryk

Petro Kryk (en ucraíno: Петро Крик), nado o 24 de abril de 1945 en Kobylnica Wołoska (hoxe no voivodato de Subcarpacia, Polonia) é un eclesiástico greco-católico ucraíno, exarca apostólico de Alemaña e Escandinavia dende 2000 até 2021.

Петро Крик
(Petro Kryk)
Petro Kryk.JPG
Bispo da Igrexa católica bizantina ucraína
Biografía
Nacemento25 de abril de 1945 en Kobylnica Wołoska, Polonia
Ordes
Ordenación sacerdotal6 de agosto de 1971, por Władysław Miziołek
Consagración episcopal3 de febreiro de 2001, por Jan Martyniak
Exarca apostólico de Alemaña e Escandinavia
2000 - 2021
PredecesorPlaton Volodyslav Kornyliak
SucesorBohdan Dziurakh
Outros
Coat of arms of Petro Kryk.svg
Escudo de Petro Kryk
Ficha en catholic-hierarchy.org

TraxectoriaEditar

Fillo de Hryhoriy e Anna Kryk, naceu o 25 de abril de 1945, mais durante a Operación Vístula de 1947 a súa familia foi reasentada forzosamente aos territorios recuperados do norte de Polonia. Logo de rematar os seus estudos, entrou no Seminario Teolóxico Hosianum de Olsztyn, tendo que interromper os seus estudos teolóxicos entre 1965 e 1967 para facer o servizo militar, e posteriormente continuounos no Seminario Teolóxico Metropolitano de Varsovia.

Foi ordenado diácono o 27 de xuño de 1971 e sacerdote o 6 de agosto seguinte. Logo de exercer o seu ministerio pastoral durante 20 anos entre os greco-católicos ucraínos, en 1996 foi nomeado protosyncellus da eparquía de Wrocław-Gdańsk.

O 20 de novembro de 2000 foi nomeado bispo titular de Castra Martis e exarca apostólico de Alemaña e Escandinavia, recibindo a consagración episcopal o 3 de febreiro de mans do metropolita de Przemyśl-Varsovia Jan Martyniak.