Peter Götz Güttler
Peter Götz Güttler, nado en Greifswald, Mecklemburgo-Antepomerania, o 8 de xuño de 1939, é un arquitecto e deseñador de medallas alemán.[1]
| Biografía | |
|---|---|
| Nacemento | 8 de xuño de 1939 Greifswald  |
| Datos persoais | |
| País de nacionalidade |  Alemán |
| Educación |  Universidade Politécnica de Dresden. |
| Coñecido por | Deseño da medalla da DNG. |
| Actividade | |
| Campo de traballo | Medallística e arquitectura. |
| Ocupación | escultor , arquitecto |
| Lingua | Lingua alemá |
| Premios | |
| - (2006): J. Veit Döll (DGM). - (2009): Hilde-Broër (DGM). - (2009): Eligiuspreis (DNG). | |
Traxectoria editar
Güttler estudou Arquitectura na Universidade Técnica de Dresde de 1961 a 1967. Desde mediados da década de 1950 viña xa cultivando a pintura, a arte gráfica e a escultura, e en 1971 comezou a crear as súas primeiras medallas. Foi a partir de 1985 cando Güttler fixo da creación de medallas a súa actividade principal.[1]
A partir de 1990 comezou a participar nos congresos anuais da Federación Internacional da Medalla de Arte (FIDEM) e en 1991 foi un dos fundadores da Sociedade Alemá da Medalla de Arte (DGMK).[1]
Recoñecementos editar
- (2006): Premio Johann Veit Döll, da Sociedade Alemá da Medalla de Arte e a cidade de Suhl, Turinxia.[2]
- (2009): Premio Hilde-Broër, da Sociedade Alemá da Medalla de Arte.[3]
- (2009): Eligiuspreis, da Sociedade Numismática Alemá.[4]
- (2019): Medalla na súa honra polo seu 80 aniversario, da Sociedade Numismática Saxoa.[5]
Obra editar
 |
 |
A maioría dos seus traballos están feitos por encarga de particulares, entidades públicas e asociacións. Entre eles están a medalla que se concede como premio de arte da cidade onde reside Güttler, Dresden, e tamén a que outorga a Sociedade Numismática Alemá con motivo do seu galardón Eligiuspreis, do que el mesmo foi acredor en 2009.[1]
A variada produción de medallas de Güttler está recollida no catálogo publicado por Martin Heidemann sobre as medallas producidas por el entre 1971 e 2011.[1][6][7]
Notas editar
- ↑ 1,0 1,1 1,2 1,3 1,4 "Medailleur Peter Götz Güttler wird 80". En Münzen Woche. 13 de xuño de 2019.
- ↑ "Deutscher Medailleurpreis Johann Veit Döll". Deutsche Gesellschaft für Medaillenkunst.
- ↑ "Hilde-Broër-Preis für Medaillenkunst 2009". Deutsche Gesellschaft für Medaillenkunst.
- ↑ "Eligiuspreis 2009". Deutsche Numismatische Gesellschaft.
- ↑ "80. Geburtstag von Peter Götz Güttler". Sächsische Numismatische Gesellschaft.
- ↑ Heidemann, M. (2012).
- ↑ "Werkschau von Medailleur Peter Götz Güttler erschienen". En Münzen Woche. 18 de outubro de 2012.
Véxase tamén editar
Bibliografía editar
- Die Kunstmedaille der Gegenwart in Deutschland. Tomo 27: Güttler-Medaillen: gegossene Sichten und Welten. Medaillen 1971–2011. Deutschen Gesellschaft für Medaillenkunst, Dresden. ISBN 978-3-95498-002-4
- Heidemann, M. (2012). Peter-Götz Güttler. Gegossene Sichten und Welten. Medaillen 1971-2011. Sandstein Verlag, Dresden. ISBN 978-3-95498-002-4