Pesqueiro

Un barco pesqueiro é un bote ou barco que se usa para pescar no mar, ou nun lago ou río. Empréganse moitos tipos de embarcacións para a pesca comercial, artesanal e deportiva.

Barco de pesca de cangrexos en Pellworm (Alemaña)

Barco pesqueiro en Dar es Salaam (Tanzania)

Segundo a Organización para a Agricultura e a Alimentación (FAO), no 2004 había catro millóns de embarcacións dedicadas á pesca, das cales 1,3 millóns, aproximadamente, son embarcacións con cubertas e áreas pechadas. Case todas as embarcacións cubertas están mecanizadas, e 40 000 delas superan as 100 toneladas. No outro extremo, dous terzos (1,8 millóns) dos botes sen cuberta son embarcacións tradicionais de distintos tipos, que funcionan unicamente a vela e remos. Estes botes son os empregados polos pescadores artesanais.

Mais, é difícil estimar o número de barcos de pesca deportiva. Varían en tamaño, e ao contrario que os barcos comerciais, frecuentemente non se dedican só á pesca.

Antes da década de 1950 había moi pouca estandarización dos barcos pesqueiros. Os deseños podían variar en función do porto e estaleiro. Tradicionalmente os botes facíanse de madeira, pero a madeira xa non se usa polo seu custo e a dificultade para obter madeira de construción. Cada vez úsase máis a fibra de vidro nos barcos pesqueiros pequenos de até 25 metros (100 toneladas), mentres que o aceiro emprégase xeralmente en embarcacións superiores aos 25 metros.

Véxase tamén

Bibliografía

• FAO (2007) The status of the fishing fleet Arquivado 18 de febreiro de 2019 en Wayback Machine. State of World Fisheries and Aquaculture, Food and Agriculture Organization of the United Nations, Rome. ISBN 978-92-5-105568-7

Ligazóns externas

• Worldfishingtoday.com