Pepe Viyuela

José Viyuela Castillo, nado en Logroño o 2 de xuño de 1963, máis coñecido como Pepe Viyuela, é un actor, pallaso, poeta e humorista rioxano licenciado en Filosofía.

Pepe Viyuela
Nome completo	José Viyuela Castillo
Nacemento	2 de xuño de 1963
Lugar	Logroño
Nacionalidade	España
Educado en	Universidade Autónoma de Madrid
Profesión	actor, Pallaso, poeta, artista de circo e actor de televisión
Na rede
[ editar datos en Wikidata ]

Traxectoria

Amais de Filosofía, Viyuela estudou Arte dramática, iniciándose no mundo da interpretación con parodias con obxectos e sen palabras. A súa primeira aparición televisiva foi en Un, dos, tres...responda otra vez como humorista, coa súa famosa frase «Pero, ¿esto qué es?», e co seu número máis coñecido, no que se vía atrapado por unha cadeira pregable.

Como actor traballou con Julio Medem en Tierra (1995). Posteriormente interpretou a Filemón nas dúas películas baseadas en Mortadelo e Filemón: La gran aventura de Mortadelo y Filemón (Javier Fesser, 2003) e Mortadelo y Filemón. Misión: Salvar la Tierra (Miguel Bardem, 2008). En teatro participou no Festival de Teatro Clásico de Mérida, con Androcles y el león (1999), de George Bernard Shaw, Rómulo el grande (2005), de Friedrich Dürrenmatt e Miles Gloriosus (2008), de Plauto. En 2009 protagonizou, xunto a Teté Delgado, El pisito. En televisión participou na serie Aída no papel de Chema o tendeiro. Fixo papel de dobraxe ao castelán en Open Season.

En 2003 publicou a novela Bestiario del circo, con prólogo de Andrés Aberasturi. Gañou a segunda edición do Premio Internacional de Poesía Margarita Hierro co seu primeiro poemario, Y amarte sin saber. A obra consta de 51 poemas e está dedicada a Margarita Hierro e a Manolo Romero, cunha ilustración na portada de José Hierro. En 2008 publicou o seu segundo poemario, Las letras de tu nombre.

É vicepresidente da ONG Payasos Sin Fronteras e socio honorífico da ONG Amigos de la Tierra.

Filmografía

• Tierra (Julio Médem, 1996).
• El milagro de P. Tinto (Javier Fesser, 1998).
• La gran aventura de Mortadelo y Filemón (Javier Fesser, (2003).
• Di que sí (Juan Calvo, 2004).
• Escuela de seducción (Javier Balaguer, 2004).
• Mortadelo y Filemón. Misión: Salvar la Tierra (Miguel Bardem, 2008).

Televisión

• "Hogar cutre hogar", sketches dentro do programa e sección Pero ¿esto qué es? (1991).
• Un, dos, tres... responda otra vez (1993-2004).
• Manos a la obra (1997).
• Aída (Telecinco, 2005-) como Chema.
• En clave de Ja (Televisión Canaria, 2010).
• Museo Coconut (Neox, 2010-) como o Ministro de Agricutura y Pesca.