Penamaior, Becerreá

Para outras páxinas con títulos homónimos véxase: Penamaior.

Santa María de San Lourezo de Penamaior é unha parroquia que se localiza no concello de Becerreá. Segundo o padrón municipal de 2004 tiña 89 habitantes (48 homes e 41 mulleres), distribuídos en 11 entidades de poboación, o que supón unha diminución en relación ao ano 1999 cando tiña 98 habitantes. Segundo o IGE, no 2014 a súa poboación descendera ata os 79 habitantes, sendo 43 homes e 36 mulleres.

Penamaior
Mosteiro de Santa María de Penamaior
Concello	Becerreá
Provincia	Lugo
Coordenadas	42°52′40″N 7°12′46″O
Poboación	75 hab. (2019)
Entidades de poboación	14
[ editar datos en Wikidata ]

Patrimonio

O mosteiro de Santa María de Penamaior é un templo de arquitectura románica construído no século XII pola orde do Císter. Ten planta basilical con tres naves e tres ábsidas, semicirculares as laterais e de traza notable a central, xa que o exterior é poligonal e o interior semicircular. As naves están divididas en catro compartimentos mediante piares. Os arcos de entrada ás capelas das ábsidas son de medio punto, arrancando de semicolumnas acaroadas con capiteis de traza compostelá. As naves non conservan as bóvedas orixinais, e as ábsidas teñen bóvedas de medio canón terminadas en cascarón.

No exterior ten ventás con arcos de medio punto, sobre columnas con capiteis decorados con motivos variados. A fachada foi reformada no século XVII, mais conserva a portada de arquivoltas semicirculares que arrancan de columnas apoiadas nas xambas. Unha espadana sinxela fai de campanario.

• 
  Relevo de Vilarín (s. I-II)
• 
  Mosteiro de Santa María de Penamaior
• 
  Mosteiro de Santa María de Penamaior

Lugares e parroquias