Pedro Rodríguez García

xornalista galego

Pedro Rodríguez García, nado en Vigo o 7 de decembro de 1935 e finado na illa da Toxa o 15 de decembro de 1984,[1] foi un xornalista galego.

Pedro Rodríguez García
Nacemento7 de decembro de 1935
Lugar de nacementoVigo
Falecemento15 de decembro de 1984
Lugar de falecementoIlla da Toxa
NacionalidadeEspaña
Ocupaciónxornalista
CónxuxeChari Gómez Miranda
FillosBelén Rodríguez e Pedro Rodríguez Gómez
editar datos en Wikidata ]

Traxectoria editar

Fillo de Avelino Rodríguez. Fixo o bacharelato no colexio Mezquita. Cursou estudos de peritos industriais en Vigo, sen chegar a rematalos. Iniciouse como xornalista en El Pueblo Gallego con dezasete anos. Foi un dos iniciadores da emisora La Voz de Vigo. Despois traballou en Información de Alacant e Arriba e foi director adxunto da revista Tiempo. Licenciose en Ciencias da Inormación coa primeira promoción da facultade de Madrid. Foi comentarista político en varios periódicos como ABC, colaborou na revista Gaceta Ilustrada e en Televisión Española, onde realizou entrevistas. Tamén colaborou no programa radiofónico "Protagonistas" de Luis del Olmo e no semanario vigués El Pope.

Morreu dun ataque ao corazón cando estaba na Illa da Toxa (O Grove) para pronunciar nunha conferencia sobre a transición política.[2]

Vida persoal editar

Casou coa xornalista Chari Gómez Miranda, e tivo catro fillos, entre eles a presentadora de televisión Belén Rodríguez (1966) e Pedro Rodríguez Gómez (1969-2012), director xeral de Cuarzo Producciones.

Notas editar