Pazo dos Deportes

Pazo dos Deportes
Datos
Localización	Lugo, Galicia
Alcume	O inferno celeste
Outros nomes	Pazo Universitario
Construción
Inauguración	12 de setembro de 1992
Estadio
Capacidade	5.310 espectadores
Asist. máxima	7500 (23 de abril de 1995); Breogán 68 - 69 Valvi Girona
Operaradora	Club Baloncesto Breogán
Localía	Club Baloncesto Breogán; Club Deportivo Ensino
Eventos
	Copa do Rei de baloncesto (1993); Torneo Internacional Lugo10 (2010)

Coordenadas: 42°59′28″N 7°32′43″O / 42.991244, -7.545235

O pazo provincial dos deportes de Lugo é un pavillón polideportivo situado na cidade de Lugo,^[3] no barrio de Acea de Olga. Ten capacidade para 5.310 espectadores^[4]. Foi inaugurado en 1992.

Para outras páxinas con títulos homónimos véxase: Pazo dos Deportes (homónimos).

Historia Editar

O Pazo dos Deportes foi inaugurado o 13 de setembro de 1992 co torneo Xacobeo, no que participaron, a parte do equipo lucense, o Elosúa León, o Maccabi Tel Aviv e o Real Madrid. Na primeira semifinal que enfrontou ao Breogán de Velimir Perasović ao Real Madrid, o madrileños conseguiron a vitoria. No partido polo terceiro e cuarto posto o Breogán vencería por un punto aos macabeos.

Instalacións Editar

Dedicado principalmente ao baloncesto, xa que nel bogan o Club Baloncesto Breogán e o Club Deportivo Ensino, tamén dispón de ximnasio, canchas de squash, e pistas polideportivas anexas. Tamén ten acollido encontros da primeira división da LNFS do Prone Lugo e do Barcel Euro Puebla, ademais de encontros internacionais de baloncesto de todas as categorías.

O pazo está situado no campus de Lugo da Universidade de Santiago de Compostela, motivo pola cal é ás veces chamado "pazo universitario" ou "universitario" simplemente. Conta nos arredores cunha piscina cuberta e pistas de atletismo. O aparcadoiro do recinto é tamén utilizado ás veces para a celebración de concertos ou outras actividades.