Abrir o menú principal
Pazo de Saa Cenlle 1.JPG
Pazo de Saa Cenlle 2.JPG

O pazo de Saa é unha construción civil situada na aba de Saa, na parroquia de Sadurnín (concello de Cenlle), e figura no mapa topográfico 1:50.000 do I.G. e C. folla nº 225.

HistoriaEditar

Foi unha das casas mais poderosas da comarca do Ribeiro.

Considérase a don Gregorio Arias Mariño, familiar do Santo Oficio, como fundador do morgado e Casa de Saa (fonte Pai Crespo).

DescriciónEditar

O pazo forma un conxunto arquitectónico rodeado de murallóns que en parte ten continuidade co edificio e en parte o illa dentro da leira.

A fábrica é de perpiaño, presentando unha planta en U coas cruxías laterais desiguais e a máis curta formando un ángulo agudo coa central. Pechan os tres corpos un pequeno patio inscrito aberto nun dos lados. A fachada principal e a formada polos tres corpos en torno ao patio.

Nun deles presenta unha solaina de pedra apeada sobre un muro con vanos no piso baixo e do que sobresae a repisa moldurada. A cuberta sostense por columnas ben labradas, con base moldurada, fuste liso e capitel formado por un touro. Estas sostéñense sobre pedestais que lles dan maior altura e esvelteza.

No ángulo que fan a fachada sur e a este vemos un garitón apoiado en dous canzorros de dobre moldura, caveto e cuarto bocel, con cornixa mais coidada que o resto do edifico, con saeteras e e rica pedra armera. Na fachada orientada ao nacente gran solaina.

No patio, separada do edificio principal estaba a capela hoxe en día desaparecida.

No garitón escudo de difícil interpretación.

Véxase taménEditar

Outros artigosEditar

BibliografíaEditar