Paul Claude Silva
Paul Claude Silva, nado o 31 de outubro de 1922 en San Diego, California, e finado o 12 de xuño de 2014 en Berkeley, California, foi un biólogo mariño e ficólogo estadounidense especializado na taxonomía das algas.
Biografía | |
---|---|
Nacemento | 31 de outubro de 1922 San Diego, California |
Morte | 12 de xuño de 2014 Berkeley, California |
Datos persoais | |
País de nacionalidade | estadounidense |
Educación | Universidade do Sur de California Universidade Stanford Universidade de California en Berkeley |
Tese académica | A Survey Of The Marine Algae Of California From Carmel Bay To Point Conception (en) (1948 ) |
Coñecido por | taxónomo das algas |
Actividade | |
Campo de traballo | Macroalga (pt) e biologia marinha (pt) |
Ocupación | biólogo mariño e ficólogo |
Empregador | Universidade de California en Berkeley |
Lingua | Lingua inglesa |
Obra | |
Abreviación dun autor en botánica | P.C.Silva |
Premios |
Traxectoria editar
Silva completou o seu grao na Universidade do Sur de California, aínda que a súa educación foi interrompida pola segunda guerra mundial, na que serviu na Mariña estadounidense no USS Darby, participando na batalla do golfo de Leyte.[1]
Asistiu á Universidade Stanford para o seu máster, estudando con Gilbert Morgan Smith, e á Universidade de California en Berkeley (UCB) para o seu doutoramento. Máis tarde Silva traballou como botánico de investigación e conservador de algas no herbario da UCB.[1]
Silva foi un experto en nomenclatura botánica, e está considerado como o principal experto mundial no xénero Codium das clorófitas (algas verdes).[2]
Foi un dos editores desde o oitavo ao décimo sexto Congreso Internacional de Botánica, congresos que establecen o Código Internacional de Nomenclatura para Algas, Fungos e Plantas.[2]
En 1958 foi elixido presidente da Phycological Society of America.
Abreviatura editar
A abreviatura P.C.Silva emprégase pare recoñecer a Paul Claude Silva como autoridade na descrición e taxonomía e botánica.
Notas editar
- ↑ 1,0 1,1 Paul Claude Silva at The University and Jepson Herbarium
- ↑ 2,0 2,1 Woelkerling, W. J. (2011). "A Tribute to Paul Silva, the International Phycological Society, and the Index Nominum Algarum". Phycologia 50 (5): 498. doi:10.2216/0031-8884-50.5.498.