Patricia Fernández Goberna

cantante española

Patricia Fernández Goberna, nada en Donostia o 14 de febreiro de 1957 e finada en Madrid o 27 de setembro de 2016, foi unha cantante española. Fíxose coñecida como cantante do grupo Trigo Limpio, co que obtivo grandes éxitos e co que representou a España no Festival de Eurovisión de 1980. Posteriormente tivo unha carreira en solitario co nome artístico de Patt Governa.

Patricia Fernández Goberna
Nacemento14 de febreiro de 1957
 Donostia
Falecemento27 de setembro de 2016
 Madrid
NacionalidadeEspaña
Ocupacióncantante
PaiPahiño
IrmánsNacho Fernández Goberna
editar datos en Wikidata ]

Foi filla do histórico futbolista galego Pahiño e irmá de Nacho Fernández Goberna, cantante e compositor de La Dama se Esconde.

TraxectoriaEditar

Naceu en Donostia, sendo filla de Pahiño, histórico futbolista de Celta de Vigo, Real Madrid e Deportivo da Coruña, e de Inés Goberna.[1] Ao rematar o bacharelato formou xunto a unha amiga o dúo Sunrise, co que gañaron o premio de dúos nun festival de músicos da provincia de Guipúscoa.[2] Con todo, a amiga deixou o dúo, polo que Patricia entrou no grupo Senda, que gravou un só LP, Llamo a la juventud, antes de disolverse.

Púxose a estudar arte e decoración e en 1979 recibiu a chamada de Carlos Gil para ofrecerlle o posto de cantante feminina en Trigo Limpio, despois da marcha de Amaya Saizar.[2] Con este trío participou ao ano seguinte no Festival de Eurovisión, quedando na 12ª posición de 19 participantes,[3] e gravaron 16 discos, acadando gran fama en América Latina, onde pasaban grandes tempadas.

A finais de 1987 deixou o grupo e regresou a España, onde comezou unha carreira en solitario co nome de Patt Governa, gravando dous álbums.[4][5] Traballou tamén na radio e no teatro, e colaborou coa cupletista Olga María Ramos.[4] Nos seus últimos anos formou un grupo musical xunto á súa filla Isis, chamado Isis & the Momster.[6]

Morreu de cancro o 27 de setembro de 2016.[7]

NotasEditar

  1. "Fallece Pahíño, el gran rebelde del fútbol español". Faro de Vigo (en castelán). 13 de xuño de 2012. Consultado o 24 de maio de 2021. 
  2. 2,0 2,1 Martín, María Ángeles (13 de abril de 1980). "«Trigo limpio»: Tres vocaciones musicales para Eurovisión". La Voz de Galicia (en castelán). p. 40. 
  3. "Eurovision 1980". eurovisionworld.com (en inglés). Consultado o 24 de abril de 2021. 
  4. 4,0 4,1 "Entrevista a Patricia Fernández Goberna" (en castelán). Consultado o 24 de maio de 2021. 
  5. "Mirela Cabero y Patricia Fernández, primeras invitadas al XXI Congreso de AEV" (en castelán). 27 de novembro de 2012. Consultado o 24 de maio de 2021. 
  6. "Ha fallecido Patricia Goberna, miembro de Trigo Limpio (España 1980)" (en castelán). 29 de setembro de 2016. Consultado o 24 de maio de 2021. 
  7. "Fallece Patricia Fernández, solista del grupo Trigo Limpio" (en castelán). 28 de setembro de 2016. Consultado o 24 de maio de 2021. 

Véxase taménEditar

Outros artigosEditar