Paseo marítimo de Samil
O paseo marítimo de Samil é unha vía peonil ao longo do litoral fronte á ría de Vigo, en Vigo. Este espazo público costeiro está construído na zona urbana e semiurbana da cidade na súa faciana sur, e percorre principalmente a praia de Samil. O paseo é un dos lugares onde se celebra o festival de deportes urbanos O Marisquiño.
Paseo marítimo de Samil | |
---|---|
Playa samil.jpg | |
Localización | |
Localidade | Vigo |
Historia
editarO paseo de Samil foi ordenado polo alcalde Rafael Portanet e conceptualizado polo arquitecto madrileño Emilio Garrido no ano 1969. Ademais do paseo, o alcalde mandou construír varios aparcadoiros, vestiarios, zonas de xardíns, vestiarios e restaurantes. Nese mesmo ano, ademais, foi inaugurado un novo vial de acceso á praia, a avenida de Samil.
A construción do paseo supuxo a urbanización do litoral sur vigués, que daquela estaba composto por praias virxes, piñeirais e zonas dunares. A actuación sobre o areal para construír a paseo foi bastante controvertido, chegando a ser rexeitado por grandes persoeiros de xeito público, entre os que destacaron Valentín Paz Andrade ou Eduardo Blanco Amor.[1]
Abonda contemplar a mole de cemento [...] para calcular as consecuencias tan. nocivas coma irreparábeisManifesto asinado contra o paseo de Samil, 16 de outubro de 1970
Malia as críticas, o alcalde Portanet e o seu equipo de goberno fixeron caso omiso e continuaron as obras.
Pretendemos acabar coa anarquía que reina na zona de Samil, ateigada de chabolas inmundas.Declaracións de Portanet nun pleno municipal, 1970.
Finalmente, e sen inauguración oficial, foi estreado o paseo.[2]
Galería de imaxes
editar-
Paseo de Samil no solpor.
-
Fogueiras na praia de Samil pola festividade de San Xoán.
-
Praia de Samil en 2018
-
Hotel Samil (xa desaparecido)
Notas
editar- ↑ "O muro de Samil cumpre cincuenta anos.". Vigoe. Consultado o 30 de xuño de 2024.
- ↑ "O muro que separou Vigo de Samil". La Voz de Galicia. Consultado o 30 de xuño de 2024.
Véxase tamén
editarA Galipedia ten un portal sobre: Vigo |
Outros artigos
editar