Ouranosaurus
| Ouranosaurus Rango fósil: Cretáceo inferior | |||||||||||||||
|---|---|---|---|---|---|---|---|---|---|---|---|---|---|---|---|
 Esqueleto de Ouranosaurus no Museo Real de Ontario. | |||||||||||||||
| Clasificación científica | |||||||||||||||
| |||||||||||||||
| Nome binomial | |||||||||||||||
| Ouranosaurus nigeriensis Taquet, 1976 | |||||||||||||||
Ouranosaurus (bér.+ gr. "réptil valente") é un xénero representado por unha única especie de dinosauro iguanodontiano hadrosauroide, que viviu a mediados do período Cretáceo, hai aproximadamente 110 millóns de anos, no Aptiense, no que hoxe é África. Atopado na Formación Echkar (ou El Rhaz), depósitos de Gadoufaouna, Agadez, Níxer, en 1966 e foi nomeado en 1976 polo paleontólogo francés Philippe Taquet. A especie tipo é Ouranosaurus nigeriensis.[1]
Descrición
editar
Ouranosaurus era un herbívoro, bípede/cuadrúpede que medía uns 7 metros de lonxitude, e un peso de 4 toneladas. Non presentaba dentes na porción frontal das súas mandíbulas pero si un gran peteiro plano máis grande que o de Iguanodon, pero tiña grandes "baterías" de dentes a ambos os dous lados das mandíbulas usados para mastigar as plantas que recollía co seu peteiro. Grandes fazulas musculares evitarían que a comida, follas, froitas e sementes lle caesen da boca.[2]
Ouranosaurus tiña a fenestra temporal detrás dos ollos e un longo músculo capiti-mandibularis inserido no proceso corónides da mandíbula. Isto proveulle unha maior área da inserción para os músculos da queixada, permitíndolle unha mordedura máis forte. Un pequeno músculo, o depresor da mandíbula, atópase na parte posterior do cranio.
Clasificación
editarMalia algunhas semellanzas con Iguanodon como a púa no polgar, Ouranosaurus non está clasificado dentro de Iguanodontidae, como nun principio, un grupo hoxe considerado parafilético. Atópase dentro do clado Hadrosauroidea, que contén ós verdadeiros hadrosáuridos, os "dinosauros peteiro de pato" que abundaron a finais do Cretáceo e ós seus parentes achegados. Ouranosaurus parece ser unha póla temperá especializada neste grupo.
Notas
editar- ↑ Taquet, P. 1976. "Geologie et paleontologie du gisement de Gadoufaoua (Aptien du Niger)", Cahier Paleont., C.N.R.S. París, 1-191
- ↑ Palmer, D., ed. (1999). The Marshall Illustrated Encyclopedia of Dinosaurs and Prehistoric Animals. Londres: Marshall Editions. ISBN 1-84028-152-9.
Véxase tamén
editarWikimedia Commons ten máis contidos multimedia na categoría: Ouranosaurus  |
Bibliografía
editar- Ingrid Cranfield, ed. (2000). Dinosaurs and other Prehistoric Creatures. Salamander Books. pp. 152–154.
- Richardson, Hazel (2003). Dinosaurs and Other Prehistoric Animals. Smithsonian Handbooks. p. 108.
- Dixon, Dougal (2006). The Complete Book of Dinosaurs. Hermes House.
- Cox, Barry; Colin Harrison; R.J.G. Savage; Brian Gardiner (1999). The Simon & Schuster Encyclopedia of Dinosaurs and Prehistoric Creatures: A Visual Who's Who of Prehistoric Life. Simon & Schuster.