Orbán, Vilamarín

Para outras páxinas con títulos homónimos véxase: Orbán.

Santa María de Orbán é unha parroquia do concello de Vilamarín, na comarca de Ourense, provincia de Ourense. No ano 2007 tiña 200 habitantes (96 homes e 104 mulleres), a mesma cantidade ca en 2006.

Orbán
Igrexa parroquial de Orbán.
Concello	Vilamarín
Provincia	Ourense
Coordenadas	42°29′11″N 7°51′41″O
Poboación	149 hab. (2017)
Entidades de poboación	10
[ editar datos en Wikidata ]

Patrimonio

O pazo de Orbán presenta as armas dos Taboada. Gozou do privilexio de coto redondo con xurisdición civil e criminal e a cadea simbólica que denota o dereito de asilo. O pazo foi recuperado tras anos de acelerada degradación.

• 
  Entrada do pazo.
• 
  Detalle.
• 
  Cheminea.
• 
  Inscrición.
• 
  Pazo.
• 
  Pazo.
• 
  Arredores do pazo.

Lendas

Conta a lenda que no lugar de Marcelle, desta parroquia de Orbán, vivían dúas mouras, fermosísimas e lixeiramente vestidas, que provocaban a luxuria dos paisanos. Dunha volta, un home mercou unha xugada de bois a un labrego na feira de Carballedo, pero pediulle que tivera man dela mentres arranxaba uns asuntos na feira. Ó rematar o día, volve o home, toma a xugada e acordan facer xuntos o camiño de volta.

Ó chegar xunto ó castro do Piñeiro, o home dá co pé no chan e ábrese a terra. Entran os dous, coa xugada, e camiñan un treito, ata que lle di ó labrego que se agoche un momento. Entón achéganse as dúas mozas, armadas con cadanseu coitelo, e matan un dos bois. Pero unha das mozas di que lle cheira a cristianillo vivo, ó que o pai quita importancia asegurando que é pan cocido. Ó mencer, libera ó feirante sen facerlle ningún mal.

Noutra versión da lenda, o labrego é escondido nunha habitación con moito luxo, e cando a filla di que lle cheira a cristianillo vivo, o pai retruca que quen cheira é ela, por ter andado entre cristiáns.

Tamén se di que as dúas mozas estaban lavando un cesto no río e se achegaron dous mozos, atraídos pola súa beleza. Logo foron andando os catro, rindo e falando, ata que ó chegar ó castro, elas desapareceron sen saber como.

Galería de imaxes

• 
  Vista lateral da igrexa.
• 
  Cruceiro.
• 
  Grupo de casas.

Lugares e parroquias

Véxase tamén

Bibliografía

• VAQUEIRO, Vítor: Mitoloxía de Galiza. Lendas, tradicións, maxias, santos e milagres, Galaxia, Vigo 2011, 289-290.

Outros artigos

• Lugares de Vilamarín