Ogadén
Ogadén (en amhárico, ኦጋዴን?; en somalí, Ogaadeen; en árabe, أوغادين) é o nome non oficial da Rexión etíope dos somalís, o territorio que comprende a parte oriental de Etiopía, no centro do Corno de África.
| |||||
| Localización | |||||
|---|---|---|---|---|---|
| |||||
| Xeografía | |||||
| Superficie | 327.068 km²  | ||||
.svg){kind=small}
Os seus habitantes son predominante de etnia somalí e relixión musulmá.
O termo "Ogadén" ou "Ogaden" é o utilizado preferentemente polas comunidades internacionais. Ás veces foi chamada no pasado Casa de Gabriel,[1] ou Somalilandia etíope. A parte da poboación local nacionalista (que é a maioría), encadrados na Fronte Nacional de Liberación do Ogadén (FNLO), chámana Ogadenia (en somalí, Ogaadeeniya), e afirman que é unha nación distinta baixo ocupación etíope.
Xeografía editar
O territorio do Ogadén ocupa unha superficie de 279 252 km² (unha extensión que pode ser comparada coa do Ecuador), e ten fronteiras con Djibuti, Somalia e Kenya.[2] Nela encóntranse, entre outras, as cidades de Jijiga (a capital), Degahbur, Gode, Kebri Dahar, Fiq, Shilabo, Kelafo, Werder e Danan.
O Ogadén é unha meseta, cunha elevación sobre o nivel do mar que oscila entre os 1 500 m no noroeste e uns 300 m ao longo dos límites meridionais e o val do río Shebelle. As zonas con altitudes entre os 1 400 e os 1 600 m son semiáridas, recibindo de 500 a 600 mm de chuvia ao ano.[3]
Pero máis comúns son as zonas do Ogadén que reciben unha media anual de precipitacións de 350 mm ou menos. A paisaxe está formada por matogueiras densas, matos, praderías e outeiros espidos.[3]
Nos últimos aos, o Ogadén estivo sometido a un réxime de precipitacións cada vez máis errático, o que levou a unha crecente frecuencia de secas, as máis importantes, en 1984-85, 1994 e a máis recente en 1999-2000, durante a cal os pastores afirman que perderon do 70 ao 90 % do seu gando.[4]
Historia editar
_it.svg)
A rexión foi anexionada a Etiopía durante o reinado de Menelik II en 1897.
Coa creación da África Oriental Italiana, despois da Guerra de Etiopía, o Ogadén foi anexionado por Mussolini á Somalia italiana.
Co fin da segunda guerra mundial foi devolta a Etiopía en 1954, despois de 13 anos de ocupación británica.
No pasado producíronse actividades secesionistas que incluíron obxectivos políticos e militares en Etiopía e en Somalia. Ao final da década de 1970 ambas as nacións loitaron na Guerra de Ogadén polo control da rexión.[5]
Actualmente é a Fronte Nacional de Liberación do Ogadén o principal grupo separatista, que está liderado polo presidente Mohamed O. Osman.
Personalidades nadas no Ogadén editar
- O líder militar musulmán Ahmad ibn Ibrihim al-Ghazi, tamén coñecido como Ahmed Gragn
- O poeta somalí e nacionalista Sayid Mohamed Abdille Hassan
- Garad Maktal Dahir, dirixente da Fronte de Liberacióne do Ogadén
- Mohamed Dirie Urdoh, dirixente da Fronte de Liberación da Somalia occidental
Notas editar
- ↑ Biet Gabriel ou Casa de Gabriel en Las iglesias excavadas de Lalibela; la octava maravilla de Etiopía en eldiario.es 06/07/2015 (en castelán). Consultado o 23 de abril de 2017.
- ↑ Gebru Tareke (2000): "The Ethiopia-Somalia War of 1977 Revisited", en Board of Trustees, Boston University, The International Journal of African Historical Studies. Boston University African Studies Center, p. 636.
- ↑ 3,0 3,1 Ayele Gebre-Mariam (2005): The Critical Issue of Land Ownership Arquivado 03 de marzo de 2020 en Wayback Machine. Working Paper No. 2 (Bern: NCCR North-South), p. 12. (Consultada o 23 de abril de 2017).
- ↑ CHF International (2011): Grassroots Conflict Assessment Of the Somali Region, Ethiopia. August 2006, p. 12. (Consultada o 23 de abril de 2017).
- ↑ Fabiani, F. (2010).
Véxase tamén editar
Wikimedia Commons ten máis contidos multimedia na categoría: Ogadén  |
Bibliografía editar
- Fabiani R. (2010): Somalia 1977. La guerra dell'Ogaden e la fine della Distensione. Gans editions.
- Lewis, I. M. (2003): A Modern History of the Somali: Nation and State in the Horn of Africa. Oxford: James Currey. ISBN 978-0-8525-5483-8.
- Mohamud Abdi, Mohamed (2007): A History of the Ogaden (Western Somali). Struggle for Self-Determination. Londres: Lightning Source Inc. ISBN 978-0-9556-5160-1.
Outros artigos editar
Ligazóns externas editar
- The Standard Digital
- Ogaden National Liberaton Front
- Rasaasa NewsArquivado 24 de abril de 2017 en Wayback Machine.
- Ogaden en Maria online